కీర్తి సురేష్ ప్రధాన పాత్రలో రూపొందించిన స్పోర్ట్స్ డ్రామా గుడ్ లక్ సఖి. నవంబర్ 26న ఈ చిత్రాన్ని విడుదల చేస్తున్నట్లు నిర్మాతలు ప్రకటించారు. అయితే ఇప్పుడు గుడ్ లక్ సఖి విడుదల వాయిదా పడినట్లు తెలుస్తోంది. కారణం తెలియదు కానీ చిత్రాన్ని పోస్ట్ పోన్ చేస్తున్నారు. ఇప్పటికే ఈ సినిమా పలు మార్లు వాయిదా పడుతూ వచ్చింది. ఒక స్టేజ్ లో ఓటిటిలో విడుదల చేయడానికి కూడా సన్నాహాలు చేసారు. చివరికి థియేటర్లకు ఓటు వేయగా ఇప్పుడు కొత్త రిలీజ్ డేట్ వచ్చింది.
డిసెంబర్ 10న ఈ సినిమా విడుదల కానుంది. డిసెంబర్ 2న బాలకృష్ణ అఖండ, డిసెంబర్ 17న పుష్ప ది రైజ్ విడుదలవుతున్న నేపథ్యంలో ఈ రెండు భారీ చిత్రాల మధ్యలో గుడ్ లక్ సఖిని విడుదల చేయాలనుకుంటున్నారు. నగేష్ కకునూర్ ఈ చిత్రాన్ని డైరెక్ట్ చేసాడు.
ఈ స్పోర్ట్స్ డ్రామాలో కీర్తి సురేష్ కోచ్ గా జగపతి బాబు నటించాడు. ఆది పినిశెట్టి థియేటర్ ఆర్టిస్ట్ రోల్ ను పోషించాడు. సుధీర్ చంద్ర నిర్మించిన ఈ చిత్రాన్ని దిల్ రాజు సమర్పిస్తున్నారు. మరి గుడ్ లక్ సఖి నిజంగానే నిర్మాతలకు గుడ్ లక్ ను తీసుకొస్తుందేమో చూడాలి.
ఇవి కూడా చదవండి:
రిలీజ్ డేట్ ఖరారు చేసుకున్న గుడ్ లక్ సఖి
‘అఖండ’తో శ్రీకాంత్ కు కొత్త లైఫ్ వస్తుందా?
సర్కారు వారి పాట కోసం వయోలానిస్ట్ గా మారనున్న కీర్తి సురేష్
మరో ఫీమేల్ ఓరియెంటెడ్ సబ్జెక్ట్ లో నటించనున్న కీర్తి సురేష్