నిర్మల కాన్వెంట్ చిత్రంతో డెబ్యూ చేసిన రోషన్ కొంత బ్రేక్ తీసుకుని మళ్ళీ హీరోగా రీఎంట్రీ ఇస్తున్నాడు. లెజెండరీ దర్శకుడు రాఘవేంద్ర రావు పర్యవేక్షణలో రూపొందిన పెళ్లి సందD చిత్రం ఈ దసరా కానుకగా అక్టోబర్ 15న విడుదల కాబోతోంది. ఇప్పటికే పాటలు, ప్రోమోలు ఆకట్టుకున్నాయి. ఇక ఇప్పుడు నిర్మాతలు ఈ చిత్రం నుండి గంధర్వ లోకాల వీడియో సాంగ్ ను విడుదల చేసారు.
ఈ చిత్రానికి ఎంఎం కీరవాణి సంగీతం అందించాడు. ఈ పాట మంచి కలర్ఫుల్ రొమాంటిక్ డ్యూయట్ లా అనిపిస్తోంది. వీడియో సాంగ్ మొత్తం రాఘవేంద్ర రావు మార్క్ కనిపిస్తోంది. మొత్తం కలర్ఫుల్ గా పూలు, లైటింగ్ తో నిండిపోయింది. అలాగే హీరోయిన్ నడుమందాలను భలే అందంగా ప్రాజెక్ట్ చేసారు.
ఒక టిపికల్ రాఘవేంద్ర రావు రొమాంటిక్ సాంగ్ ను చూస్తోన్న భావనను తీసుకురాగలిగారు. ఇక ఈ చిత్రంలో హీరోయిన్ గా శ్రీలీల నటిస్తోంది. దర్శకత్వ పర్యవేక్షణతో పాటు ఈ చిత్రంలో నటిస్తున్నాడు రాఘవేంద్ర రావు. నటుడిగా ఇదే ఆయన తొలి చిత్రం. ఆర్కా మీడియా వర్క్స్ తో పాటు ఆర్కే ఫిల్మ్ అసోసియేట్స్ ఈ చిత్రాన్ని నిర్మిస్తోంది. పాతికేళ్ల క్రితం తండ్రికి పెళ్లి సందడి చిత్రంతో సూపర్ డూపర్ హిట్ దక్కింది. మరి ఇప్పుడు కొడుక్కి అదే టైటిల్ తో వస్తుండగా ఎలాంటి రిజల్ట్ వస్తుందో చూడాలి.
