పవర్ స్టార్ పవన్ కళ్యాణ్ మలయాళ బ్లాక్ బస్టర్ అయ్యప్పనుమ్ కోశియుమ్ రీమేక్ లో నటిస్తోన్న విషయం తెల్సిందే. ఈ చిత్రంలో రానా దగ్గుబాటి కూడా మరో హీరోగా నటిస్తున్నాడు. భీమ్లా నాయక్ షూటింగ్ శరవేగంగా సాగుతోంది. పవన్ కళ్యాణ్, రానా దగ్గుబాటి పాత్రలు ఈ చిత్రంలో చాలా స్పెషల్ గా డిజైన్ చేసారని సమాచారం.
ఈ సినిమాలో పవన్ కళ్యాణ్ కు జోడిగా నిత్యా మీనన్ నటిస్తోందన్న విషయం తెల్సిందే. ఇప్పటికే భీమ్లా నాయక్ నుండి రెండు పాటలు విడుదలవ్వగా రెండూ కూడా సూపర్ హిట్ సాధించాయి. ఇక ఈ సినిమాకు సంబంధించి తాజా సమాచారం ప్రకారం భీమ్లా నాయక్ టీమ్ మరో అప్డేట్ ను వచ్చింది.
రానా దగ్గుబాటికు పెయిర్ గా మలయాళీ భామ సంయుక్త మీనన్ నటిస్తోంది. ఇదే విషయాన్ని అధికారికంగా ప్రకటించారు నిర్మాతలు. భీమ్లా నాయక్ లో డేనియల్ శేఖర్ గా నటిస్తోన్న రానా దగ్గుబాటి భార్యగా సంయుక్త మీనన్ నటిస్తోంది. ఈ చిత్రంలో చేయడం పట్ల సంయుక్త మీనన్ కూడా ఎగ్జైటెడ్ గా ఉంది.
సాగర్ కె చంద్ర ఈ చిత్రాన్ని డైరెక్ట్ చేస్తుండగా త్రివిక్రమ్ శ్రీనివాస్ స్క్రీన్ ప్లే, డైలాగ్స్ ను అందించాడు. ఎస్ ఎస్ థమన్ ఈ సినిమాకు మ్యూజిక్ కంపోజ్ చేస్తున్నాడు.
Thankyou to the #BheemlaNayak Family! ♥️ Madness in steroids ? ?@pawankalyan @RanaDaggubati #Trivikram @saagar_chandrak @MenenNithya @MusicThaman @dop007 @NavinNooli @vamsi84 @venupro @sitharaents @adityamusic pic.twitter.com/1k6LG2IQSI
— Samyuktha Menon (@SamyukthaaMenon) October 28, 2021