భారీ బడ్జెట్ తో ఎన్నో వ్యయ ప్రయాసాల కోర్చి చిత్రాలను నిర్మించి రేయింబవళ్లు కష్టపడుతుంటే తమిళ రాకర్స్ మాత్రం ఏమాత్రం కష్టం లేకుండా ,సిగ్గూ శరం లేకుండా సినిమాలు విడుదలైన రోజునే పైరసీ చేస్తూ హీరోల గుండెల్లో నిద్ర పోతోంది . భారీ సినిమాలు భారీ ఓపెనింగ్స్ సాధిస్తాయి అయితే ఆ ఓపెనింగ్స్ తక్కువ కావడంలో తమిళ రాకర్స్ కారణం అవుతోంది .
ఇప్పటికే పలువురు హీరోలకు చెప్పి మరీ ఆ చిత్రాలను పైరసీ చేసిన తమిళ రాకర్స్ తాజాగా విడుదలైన సూర్య చిత్రం NGK , ఫలక్ నుమా దాస్ అనే చిత్రాలను పైరసీ చేసి నెట్ లో పెట్టేశాయి . ఇప్పటికే ఓపెనింగ్స్ లేక , డివైడ్ టాక్ తో చచ్చి బ్రతుకుతున్నాయి , ఇలాంటి సమయంలో మూలిగే నక్క మీద తాటికాయ పడ్డట్లుగా తమిళ రాకర్స్ పైరసీ వీడియో వల్ల ఆ సినిమాలు మరింత దారుణంగా దెబ్బ తిననున్నాయి . ఎంతమంది హీరోలు తమిళ రాకర్స్ ఆట కట్టించాలని చూసినప్పటికీ కుదరడం లేదు పాపం .