మేజర్ రిలీజ్ డేట్ ప్రకటించిన అడివి శేష్

ఆసక్తికర సినిమాలతో తనకంటూ ఒక మార్క్ ను క్రియేట్ చేసుకున్నాడు అడివి శేష్. ప్రస్తుతం ఈ హీరో నటిస్తోన్న చిత్రం మేజర్. ఈ సినిమా షూటింగ్ చివరి దశకు చేరుకుంది. అటు కరోనా సెకండ్ వేవ్, ఇటు అడివి శేష్ కు డెంగ్యూ సోకడంతో మేజర్ షూటింగ్ లో జాప్యం జరిగింది. అయితే మొత్తానికి ఈ చిత్రం ట్రాక్ లో పడింది.

ఇక ఇప్పుడు మేజర్ రిలీజ్ డేట్ కు సంబంధించిన అప్డేట్ వచ్చింది. ఫిబ్రవరి 11, 2022న మేజర్ విడుదల కానుంది. అంటే చిరంజీవి ఆచార్య విడుదలైన వారం రోజుల తర్వాత మేజర్ థియేటర్లలోకి వస్తుందన్నమాట. 26/11 అటాక్స్ లో వీర మరణం పొందిన మేజర్ సందీప్ ఉన్ని కృష్ణన్ జీవితం ఆధారంగా ఈ సినిమా రూపొందుతోంది.

మేజర్ లో హీరోయిన్లుగా సాయీ మంజ్రేకర్, శోభిత ధూళిపాళ్ల నటిస్తున్నారు. ఈ సినిమాను దర్శకుడు శశికిరణ్ తిక్కా తెరకెక్కిస్తుండగా సోనీ పిక్చర్స్, ఏ+ఎస్ మూవీస్, జిఎంబి ఎంటర్టైన్మెంట్స్ సంస్థలు సంయుక్తంగా నిర్మిస్తున్నాయి. మేజర్ చిత్రంపై అడివి శేష్ ఫుల్ కాన్ఫిడెంట్ గా ఉన్నాడు. ఈ సినిమాను తెలుగు, హిందీ భాషల్లో నిర్మించగా మలయాళ భాషలో డబ్ చేయనున్నారు. మేజర్ కు సంబంధించిన ప్రమోషన్స్ త్వరలోనే షురూ కానున్నాయి.

#MAJOR.. In cinemas, Feb 11 2022 🙂https://t.co/ngTqFzEP3S@adivisesh @sonypicsindia @GMBents @AplusSMovies @SashiTikka #MajorOnFeb11

— Mahesh Babu (@urstrulyMahesh) November 3, 2021