యంగ్ టైగర్ ఎన్టీఆర్ త్రివిక్రమ్ దర్శకత్వంలో నటించిన అరవింద సమేత 125 కోట్ల క్లబ్ లో చేరింది . ఈ విషయాన్నీ ఉమైర్ సందు ట్వీట్ చేస్తూ 125 కోట్ల క్లబ్ లో చేరిన అరవింద సమేత ఇంకా మంచి వసూళ్ళ ని రాబడుతోందని తెలిపాడు . అక్టోబర్ 11 న విడుదలైన అరవింద సమేత చిత్రానికి మొదటి నుండి పాజిటివ్ టాక్ రావడం ఒక కారణమైతే , దసరా సెలవులు రావడం మరో కారణంతో భారీ వసూళ్ళ ని సాధిస్తున్నాడు ఎన్టీఆర్ . ఓవర్ సీస్ లో అలాగే రెండు తెలుగు రాష్ట్రాలలో వసూళ్ళ వర్షం కురుస్తోంది . రెండు తెలుగు రాష్ట్రాలలో ఇప్పటివరకు 52 కోట్ల షేర్ రాబట్టి సంచలనం సృష్టించింది అరవింద సమేత .
ఓవర్ సీస్ లో వరుసగా నాలుగు చిత్రాలు 1.5 మిలియన్ డాలర్లు వసూల్ చేసిన ఏకైక హీరోగా రికార్డ్ సృష్టించాడు ఎన్టీఆర్ . అక్కడ కూడా ఇంకా మంచి వసూళ్ళ ని సాధిస్తోంది . ఓవర్ సీస్ లో రెండున్నర మిలియన్ డాలర్ల ని దాటేలా ఉంది అరవింద సమేత . 125 కోట్ల గ్రాస్ వసూళ్లు సాధించిన ఎన్టీఆర్ ఈ జోరు ఇలాగే మరో వారం కొనసాగితే 200 కోట్ల గ్రాస్ వసూళ్ళ ని సాధించడం ఖాయమేనని అంటున్నారు ట్రేడ్ విశ్లేషకులు . బాక్సాఫీస్ వద్ద సరైన సినిమా ఏది లేకపోవడం కూడా అరవింద కు బాగా కలిసి వస్తోంది . ఈనెల 18 తర్వాత ఎన్టీఆర్ అసలు జోరు చూపించాలి .
English Title: Aravinda sametha joins 125 crores club