పవర్ స్టార్ పవన్ కళ్యాణ్, రానా దగ్గుబాటి కలిసి నటిస్తోన్న విషయం తెల్సిందే. మలయాళ సూపర్ హిట్ రీమేక్ అయ్యప్పనుమ్ కోశియుమ్ చిత్రంలో నటిస్తున్నారు. సాగర్ కె చంద్ర ఈ చిత్రాన్ని డైరెక్ట్ చేస్తుండగా త్రివిక్రమ్ శ్రీనివాస్ స్క్రీన్ ప్లే, డైలాగ్స్ అందిస్తున్నాడు. రీసెంట్ గా ఈ చిత్ర షూటింగ్ తిరిగి మొదలైంది. ఈ సందర్భంగా చిన్న మేకింగ్ వీడియోను విడుదల చేసారు.
దీంట్లో పవన్ కళ్యాణ్, రానా ఇద్దరి లుక్స్ అదిరిపోయాయనే చెప్పాలి. పవన్ కళ్యాణ్ భీమ్లా నాయక్ పాత్రను పోషిస్తున్నాడు. ఈ మేకింగ్ వీడియోకు రెస్పాన్స్ అదిరింది. ఇక రానా పవన్ కళ్యాణ్ తో పనిచేయడం గురించి స్పందించాడు. పవన్ తో పనిచేయడం తనకు గౌరవమని రానా అన్నాడు. అంత అనుభవమున్న నటుడితో పనిచేయడాన్ని ఆస్వాదిస్తున్నట్లు తెలిపాడు.
నిత్యా మీనన్, ఐశ్వర్య రాజేష్ ఈ చిత్రంలో హీరోయిన్లుగా నటిస్తున్నారు. వచ్చే సంక్రాంతికి ఈ సినిమా విడుదలవుతుందని అధికారికంగా ప్రకటించారు.