విక్టరీ వెంకటేష్ మంచి స్పీడుమీదున్నాడు. ఇప్పటికే రెండు సినిమాలను పూర్తి చేసాడు వెంకటేష్. నారప్ప, దృశ్యం 2 కూడా ఓటిటి రిలీజ్ లు అవుతున్నాయి. ఇదిలా ఉంటె త్వరలోనే ఎఫ్3 షూటింగ్ ను మొదలుపెడతాడు వెంకీ, మైసూర్ లో ఈ చిత్ర తాజా షెడ్యూల్ మొదలవుతుంది.
ఎఫ్3 తర్వాత వెంకటేష్ చేయబోయే చిత్రాల విషయంలో కొంచెం క్లారిటీ వచ్చింది, మలయాళ సూపర్ హిట్ డ్రైవింగ్ లైసెన్స్ చిత్రాన్ని రీమేక్ చేయబోతున్నాడు వెంకటేష్. ప్రస్తుతం ఈ సినిమా స్క్రిప్ట్ వర్క్ జరుగుతోంది. దాంతో కనుక సంతృప్తి చెందితే వెంటనే పట్టాలెక్కుతోంది.
మరోవైపు దర్శకుడు త్రినాథరావు నక్కినతో చిత్రం రెండేళ్ల నుండి చర్చల దశలో ఉంది. ఈ ఏడాదే దీనిపై కూడా క్లారిటీ ఇస్తాడు వెంకీ. ఇక తరుణ్ భాస్కర్ స్క్రిప్ట్ కూడా అంతే. ఈ స్క్రిప్ట్ తో వెంకటేష్, సురేష్ బాబు సంతృప్తి చెందినట్లే కనిపిస్తోంది. ఈ నేపథ్యంలో ఈ ఏడాది సెకండ్ హాఫ్ లో చిత్రాన్ని ప్రకటించనున్నారు.
అయితే ఏ సినిమా ముందు, ఏది వెనకాల అన్నది త్వరలోనే తెలుస్తుంది.