యంగ్ హీరో నాగ శౌర్య ప్రస్తుతం మల్టిపుల్ సినిమాలతో బిజీగా ఉన్న విషయం తెల్సిందే. వాటిలో శౌర్య చేస్తోన్న రొమాంటిక్ డ్రామా వరుడు కావలెను. లక్ష్మీ సౌజన్యను దర్శకురాలిగా పరిచయం చేస్తూ ఈ చిత్రం రూపొందుతోంది. సితార ఎంటర్టైన్మెంట్స్ ఛానల్ ఈ చిత్రాన్ని నిర్మిస్తోంది.
ప్రస్తుతం ఈ సినిమా షూటింగ్ పూర్తై పోస్ట్ ప్రొడక్షన్ పనుల్లో బిజీగా ఉంది. ఇక ఈ సినిమా టీజర్ విడుదల తేదీ గురించి టీమ్ క్లారిటీ ఇచ్చింది. నిర్మాత సూర్యదేవర నాగ వంశీ పుట్టినరోజు సందర్భంగా రేపు అంటే ఆగస్ట్ 31న వరుడు కావలెను టీజర్ విడుదలవుతోంది.
ఈ చిత్రంలో రీతూ వర్మ హీరోయిన్ గా నటిస్తోంది. విశాల్ చంద్రశేఖర్ ఈ సినిమాకు సంగీతం అందిస్తున్నాడు. ఇక ఇప్పటికే విడుదలైన దిగు దిగు దిగు నాగ సాంగ్ కు సూపర్బ్ రెస్పాన్స్ వచ్చింది. ఈ సాంగ్ అప్పుడే 10 మిలియన్ వ్యూస్ ను దాటి దూసుకుపోతోంది. త్వరలోనే వరుడు కావలెను రిలీజ్ కు సంబంధించి అప్డేట్ ను ఇవ్వనున్నారు.