యావత్ ప్రపంచం మొత్తం జపిస్తున్న పేరు కరోనా.. కరోనా.. దీని భారిన పడిన వారు ఐసోలేషన్..క్వారెంటైన్.. వంటి పదాలు వల్లెవేస్తున్నారు. కరోనా సోకిందంటే క్వారెంటైన్ (దిగ్భంధం) కావాల్సిందే. ..ఐసోలేషన్ (ఒంటరి)గా వుండాల్సిందే. ఈ పదాల్ని ప్రపంచానికి పరిచయం చేసింది కరోనా అనుకుంటే పొరపాటే అంతకు ముందే అంటే దాదాపు 9 ఏళ్ల క్రితమే కరోనా వైరస్పై హాలీవుడ్లో ఓ సినిమా వచ్చింది. ప్రస్తుతం భయంకరమైన కరోనా వైరస్తో ప్రపంచం బాధపడుతున్న దృశ్యాల్ని కళ్లకు కట్టినట్టు చూపించింది.
ఆ సినిమా పేరు `కాంటాజియన్`. 2011లో వచ్చిన ఈ సినిమా విడుదలైనప్పుడు ఎవరికీ తెలియదు. ఎవరూ దీన్ని పట్టించుకోలేదు కూడా. ఏదో పిచ్చి కాన్సెప్ట్తో దర్శకుడు ఈ సినిమాని తీశాడని అంతా కొట్టిపారేశారు. ఇదో పిచ్చి సినిమా అని పక్కన పెట్టారు. 9 ఏళ్ల తరువాత అదే నిజమైంది. ప్రపంచాన్ని కరోనా వైరస్ వణికిస్తోంది. కరోనా విజృంభణ మొదలు కావడంతో `కాంటాజియన్` చిత్రాన్ని లక్షల్లో చూడటం మొదలుపెట్టారు.
తాజాగా ఈ చిత్రాన్ని తమిళ నటి వరలక్ష్మి శరత్కుమార్ చూసిందట. కరోనా వైరస్ ఎంత డేంజరో ఈ సినిమా చూస్తే మీకే అర్థమవుతుందని సోషల్ మీడియా వేదికగా నెటిజన్లకు స్పష్టం చేస్తోంది. కరోనా వైరస్ విళయతాండవం చేస్తున్న నేపథ్యంలో అంతా ఇళ్లకే పరిమితం కావాలని వరలక్ష్మి సూచించింది.