ప‌వ‌ర్‌స్టార్ పవన్కల్యాణ్ ఫ్యాన్స్ ఎదురుచూసిన రోజు రానే వ‌చ్చేసింది. త‌మ ఆరాధ్య న‌టుడు ప‌వ‌ర్‌స్టార్ పవన్కల్యాణ్ పుట్టిన రోజున కొత్త సినిమా అప్‌డేట్‌ల కోసం ఎదురుచూసిన ఫ్యాన్స్‌కి `వ‌కీల్ సాబ్‌` మోష‌న్ పోస్ట‌ర్‌తో అదిరిపోయే ట్రీట్ ఇచ్చారు. గ‌రువారం ప‌వ‌న్ బ‌ర్త్‌డే కావ‌డంతో గ‌త వారం నుంచే ఫ్యాన్స్ హంగామా మొద‌లైంది. సోష‌ల్ మీడియాని ట్వీట్‌ల‌తో ఓ రేంజ్‌లో మోతెక్కించేస్తున్నారు. ట్వీట్‌ల వ‌ర్షం‌తో హోరెత్తిస్తున్నారు.
`వ‌కీల్‌సాబ్‌` పోస్ట‌ర్ ఫ్యాన్స్ జోష్‌ని మ‌రింత పెంచేసింది. క్రిమిన‌ల్ లాతో అది కుద‌ర‌దంటే దుడ్డు క‌ర్ర‌తో దండించ‌డం ఈ లాయ‌ర్ స్టైల్ అనేట్టుగా మోష‌న్ పోస్ట‌ర్‌లో ప‌వ‌న్ క‌ల్యాణ్ క్యారెక్ట‌ర్ క‌నిపిస్తున్న తీరు సినిమాని హిందీ, త‌మిళ్ చిత్రాల‌కు మించి ఏ స్థాయిలో మ‌ర్చార‌న్న‌ది అర్థ‌మ‌వుతోంది. ఈ మోష‌న్ పోస్ట‌ర్‌కు త‌మ‌న్ అందించిన సంగీతం ఆక‌ట్టుకుంటోంది. ప‌వ‌ర్‌ఫుల్ లాయ‌ర్ పాత్ర‌లో పవన్కల్యాణ్ న‌టిస్తున్న ఈ చిత్రాన్ని బాలీవుడ్ హిట్ ఫిల్మ్ `పింక్‌` ఆధారంగా తెర‌కెక్కిస్తున్నారు.
వేణు శ్రీ‌రామ్ ద‌ర్శ‌క‌త్వం వ‌హిస్తున్న ఈ చిత్రాన్ని బోనీక‌పూర్‌తో క‌లిసి దిల్ రాజు నిర్మిస్తున్నారు. నివేదా థామ‌స్‌, అంజ‌లి, అన‌న్య నాగ‌ళ్ల, ప్ర‌కాష్‌రాజ్, అన‌సూయ కీల‌క పాత్ర‌ల్లో న‌టిస్తున్నారు. ఇప్ప‌టికే ఈ చి్త‌ర షూటింగ్ పూర్త‌యి రిలీజ్ కావాల్సి వుంది కానీ క‌రోనా కార‌ణంగా రిలీజ్ వాయిదా ప‌డింది.