మెగాస్టార్ చిరంజీవి నటించిన సైరా నరసింహారెడ్డి ఆకాశమే హద్దుగా చెలరేగిపోయే అవకాశాలున్నాయి. ఇప్పటికే తొలి షోలు ప్రపంచవ్యాప్తంగా కొన్ని చోట్ల మొదలవ్వగా చిత్రానికి పాజిటివ్ రిపోర్ట్స్ వస్తున్నాయి. ముంబైలో ప్రీమియర్ షో వేసిన ప్రెస్ సైతం ఈ చిత్రం అదిరిపోయిందని కితాబిచ్చింది.
ఇక యూఎస్ లో భారీ ఎత్తున ఈ చిత్రం విడుదలైన సంగతి తెల్సిందే. భారతీయ కాలమానం ప్రకారం 12 గంటల నుండి యూఎస్ లో ప్రీమియర్స్ మొదలవుతాయి. యూఎస్ బాక్స్ ఆఫీస్ వద్ద ఈ చిత్రం భారీ నంబర్స్ ను నమోదు చేస్తోంది. తాజాగా అందిన సమాచారం ప్రకారం ఇప్పటికే ఈ చిత్రం 229 లొకేషన్స్ నుండి దాదాపు $516K వసూలు చేసింది.
ఈ ట్రెండ్ ను బట్టి సైరా కేవలం ప్రీమియర్స్ నుండే 1 మిలియన్ దాటి వసూలు చేసే అవకాశాలున్నాయి. ఇదంతా మెగాస్టార్ క్రేజ్ అని చెప్పవచ్చు. పూర్తిగా పాజిటివ్ టాక్ కనుక సైరాకి వస్తే ఇక సైరా కలెక్షన్స్ ను ఊహించడం కూడా కష్టమే.