ఒకేసారి ఒకే కథతో రెండు సినిమాలు రానుండడం టాలీవుడ్ లో ఆసక్తికరంగా మారింది. 70, 80లలో ఆంధ్ర ప్రాంతాన్ని తన దోపిడీలతో వణికించిన నాగేశ్వరరావు అనే బందిపోటు కథతో బెల్లంకొండ శ్రీనివాస్ సినిమాను అనౌన్స్ చేసాడు. ఈ చిత్రాన్ని కెఎస్ అనే నూతన దర్శకుడు తెరకెక్కించనుండగా బెల్లంకొండ శ్రీనివాస్ తండ్రి సురేష్ చాలా కాలం తర్వాత ఈ చిత్రంతో మళ్ళీ నిర్మాతగా బాధ్యతలను నిర్వహిస్తున్నాడు. ఈ చిత్రాన్ని ప్యాన్ ఇండియా లెవెల్లో నిర్మిస్తామని, అలాగే దీనికి స్టువర్టుపురం దొంగ అనే టైటిల్ ను కూడా నిర్ధారించారు.
ఈ సినిమా షూటింగ్ త్వరలోనే షురూ కానున్న నేపథ్యంలో ఇదే కథతో మరో సినిమా అనౌన్స్ అయింది. దొంగాట ఫేమ్ వంశీ దర్శకత్వంలో మాస్ మహారాజా టైగర్ నాగేశ్వరరావు టైటిల్ తో కూడా సినిమా అనౌన్స్ అయింది. ఈ చిత్ర అనౌన్స్మెంట్ జరిగిన రెండో రోజుకే బెల్లంకొండ శ్రీనివాస్ తన ఫస్ట్ లుక్ ను విడుదల చేసాడు. నిజంగా బందిపోటు ఎలా ఉంటాడో అలానే ఫస్ట్ లుక్ ను దించడం విశేషం. వచ్చే ఏడాది ఈ చిత్రం రెగ్యులర్ షూటింగ్ మొదలుకానుంది.
మరి ఒకే కథతో తెరకెక్కనున్న రెండు సినిమాలు ఎలా ఉంటాయో చూడాలంటే మరికొంత కాలం ఆగకతప్పదు.