సూపర్ స్టార్ మహేష్ బాబు నటించిన లేటెస్ట్ ఎంటర్టైనర్ సరిలేరు నీకెవ్వరు సంక్రాంతి సెలవులు ముగిసినా కానీ తన హవా చూపిస్తోంది. సినిమా విడుదలై రెండు వారాలు గడుస్తున్నా ఇంకా డీసెంట్ కలెక్షన్స్ సాధిస్తోంది. 3 కోట్ల షేర్ వసూలు చేసిన ఈ చిత్రం, మంగళ, బుధవారాల్లో చెరో 2 కోట్ల షేర్ వసూలు చేసింది. దీంతో 12 రోజుల సరిలేరు నీకెవ్వరు కలెక్షన్స్ షేర్ 104 కోట్ల మార్క్ ను దాటింది. దీంతో చిత్రం ఇటీవలే విడుదలై మంచి విజయం సాధించిన సైరా కలెక్షన్స్ ను దాటినట్లయింది. ఫుల్ రన్ లో ఈ చిత్రం ఎంత వసూలు చేస్తుందనేది ఆసక్తికరంగా మారింది. ఎందుకంటే బాహుబలి 1 కలెక్షన్స్ 110 కోట్ల దగ్గర ఉంది. మరి సరిలేరు ఆ మార్క్ ను దాటగలదో లేదో చూడాలి.
సరిలేరు నీకెవ్వరు 12 డేస్ కలెక్షన్స్ బ్రేక్ డౌన్ :
నైజాం : 34.26 కోట్లు
సీడెడ్ : 14.53 కోట్లు
గుంటూరు : 9.2 కోట్లు
ఉత్తరాంధ్ర : 17.44 కోట్లు
తూర్పు గోదావరి : 10.36 కోట్లు
పశ్చిమ గోదావరి : 6.8 కోట్లు
కృష్ణా : 8.18 కోట్లు
నెల్లూరు : 3.78 కోట్లు
12 రోజుల మొత్తం షేర్ : 104.55 కోట్లు
అనిల్ రావిపూడి దర్శకత్వం వహించిన ఈ చిత్రంలో రష్మిక హీరోయిన్ గా నటించగా, విజయశాంతి కీలక పాత్రలో కనిపించింది. అనిల్ సుంకర ఈ చిత్రాన్ని నిర్మించారు. దేవి శ్రీ ప్రసాద్ సంగీత దర్శకత్వం వహించారు. మహేష్ బాబు ఈ చిత్రంలో మేజర్ అజయ్ కృష్ణ పాత్రలో నటించారు.