సుశాంత్ సింగ్ రాజ్ పుత్ అనుమానాస్పద మృతి రోజుకో మలుపు తిరుగుతోంది. తాజాగా సుశాంత్ సింగ్కి సంంధించి మరో ఆసక్తికరమైన విషయం బయటపడింది. గత కొంత కాలంగా రియా చక్రవర్తి, సుశాంత్ సింగ్ డేటింగ్ చేశారని, ఆ తరువాత రియా అతని నుంచి విడిపోయిన తరువాతే సుశాంత్ అనుమానాస్పదంగా మృతి చెందారని వరుస కథనాలు వినిపిస్తున్న విషయం తెలిసిందే. అయితే తాజాగా అందుకు భిన్నమైన వార్త ఒకటి బయటికి రావడం ఆసక్తికరంగా మారింది.
ఈ విషయాన్ని స్వయంగా సుశాంత్ ఫ్రెండ్ శామ్యూల్ హోకిప్ వెల్లడించడం ఆసక్తికరంగా మారింది. `కేదార్నాథ్` మూవీ చిత్రీకరణ సమయంలో సుశాంత్, సారా అలీఖాన్తో ప్రేమలో పడ్డాడని, `సోంచిరియా` చిత్రం విడుదల తరువాత ఇద్దరూ విడిపోయారని, దీని వెనక బాలీవుడ్ మాఫియా వుండి వుండవచ్చని శామ్యూల్ సోషల్ మీడియా వేదికగా వెల్లడించడం బాలీవుడ్లో ప్రకంపణలు సృష్టిస్తోంది.
ఈ వ్యవహారంపై ఫైర్ బ్రాండ్ కంగన రనౌత్ కూడా స్పందించింది. సుశాంత్, సారా అలీఖాన్ల ప్రేమ వ్యవహారం గురించి మీడియాకు తెలుసని, అవుట్ డోర్ షూటింగ్లకు వెళ్లినప్పుడు వారిద్దర కలిసి ఒకే రూమ్లో వుండేవారని, ఇలాంటి వ్యక్తులు ఆ తరువాత వారిని ఎందుకు వదిలేస్తున్నారని కంగన ప్రశ్నించడం ప్రాధాన్యతను సంతరించుకుంది. మరి ఈ వివాదంపై సారా అలీఖాన్ ఎలా స్పందిస్తుందో చూడాలి.