అభిమానం హ‌ద్దులు దాటితే ఎలా వుంటుందో బాలీవుడ్ యంగ్ హీరోయిన్ సైఫ్ అలీఖాన్ గారాల ప‌ట్టి సారా అలీఖాన్‌కు కెరీర్ ప్రారంభంలోనే అనుభ‌వం అయింది. `కేదార్‌నాథ్‌` చిత్రంతో హీరోయిన్‌గా ప‌రిచ‌య‌మైన సారా అలీఖాన్ ఆ సినిమా ఆశించిన ఫ‌లితాన్ని అందించ‌లేక‌పోయినా మంచి పాపులారిటీని తెచ్చిపెట్టింది. ర‌ణ్‌వీర్‌సింగ్ తో క‌లిసి న‌టించిన `శింబా` చిత్రంతో తొలి విజ‌యాన్ని సొంతం చేసుకున్న సారా ప్ర‌స్తుతం రెండు క్రేజీ చిత్రాల్లో న‌టిస్తూ బిజీగా వుంది.
షూటింగ్ గ్యాప్ దొర‌క‌డంతో తల్లి, సోద‌రుడితో క‌లిసి మాల్దీవుల‌కు వెకేష‌న్‌కి వెళ్లి అక్క‌డి అందాల్ని ఆస్వాదించిన సారా ఆ ట్రిప్‌కు సంబంధింన ఫొటోల్ని సోష‌ల్ మీడియా ఇన్‌స్టాలో అభిమానుల కోసం షేర్ చేసింది. త‌న టూర్‌ని ముగించుకుని తిరిగి ముంబై చేరుకున్న సారా డైలీ వ‌ర్క‌వుట్‌ల కోసం ఓ జిమ్‌కి వెళ్లేందుకు బ‌య‌టికి వ‌చ్చింది. భారీగా సెక్యూరిటీ వున్నా అభిమానులు సారాని చూడ‌టానికి ఎగ‌బ‌డ‌టంతో వారి వ‌ద్ద‌కే వెళ్లి ప‌ల‌క‌రించే ప్ర‌య‌త్నం చేసింది.
దీన్ని అడ్వాంటేజ్‌గా తీసుకున్న ఓ అభిమాని సారా చేయి అందుకుని ముద్దాడ‌బోయాడు. దీంతో క్ష‌ణాల్లో తేరుకున్న సారా బాడీగార్డ్స్ మెరుపు వేగంతో స్పందించి సారా చేయిని విడిపించి స‌ద‌రు అభిమానిని పక్కకు తోసేశారు. బ‌డితె పూజ గ్యారెంటీ అని తెలుసుకున్న స‌ద‌రు అభిమాని అక్క‌డి నుంచి ప‌రుగందుకున్నాడు. ఈ హ‌ఠాత్ప‌రిణామానికి సారా షాక్‌కు గురైంది.