మెగా పవర్ స్టార్ రామ్ చరణ్, అగ్ర దర్శకుడు శంకర్ కాంబినేషన్ లో సినిమా అనౌన్స్ అయిన విషయం తెల్సిందే. ఈ చిత్రాన్ని వీలు కోసం #RC15గా సంభోదిస్తున్నారు. రెండు రోజుల క్రితం ఈ చిత్ర షూటింగ్ పూణేలో ప్రారంభమైంది. సాంగ్ షూట్ తో చిత్రీకరణను ప్రారంభించారు. రెండు వారాల పాటు ఈ సాంగ్ ను షూట్ చేయాలని ప్లాన్ చేసాడు శంకర్.
ఈ అగ్ర దర్శకుడి సినిమాల్లో పాటలు ఎంత ప్రాచుర్యం పొందుతాయో ప్రత్యేకించి చెప్పాల్సిన పనిలేదు. శంకర్ చిత్రంలో సాంగ్స్ కు ప్రత్యేకమైన క్రేజ్ ఉంటుంది. అలాగే ఈ చిత్రంలో కూడా సాంగ్స్ కు ప్రత్యేక బడ్జెట్ ను కేటాయించారట. ముఖ్యంగా ఈ సాంగ్ విషయానికొస్తే సరికొత్త కాన్సెప్ట్ తో ఈ సాంగ్ ను చిత్రీకరిస్తున్నాడట శంకర్.
సాధారణంగా బడ్జెట్ విషయాల్లో స్ట్రిక్ట్ గా ఉండే దిల్ రాజు, శంకర్ కు మాత్రం ఫ్రీ హ్యాండ్ ఇచ్చినట్లు తెలుస్తోంది. ఈ సాంగ్ షూట్ లో హీరోయిన్ కియారా అద్వానీ కూడా పాల్గొంటోంది. చిత్ర యూనిట్ సమాచారం ప్రకారం ఈ సాంగ్ చాలా ఏళ్ల పాటు నిలిచిపోయేలా ఉంటుందిట.
ఎస్ ఎస్ థమన్ ఈ సాంగ్ ను కంపోజ్ చేసాడు. ఈ చిత్రానికి సంబంధించిన మరింత సమాచారం త్వరలోనే బయటకు రానుంది. తెలుగు, తమిళ్ లో రూపొందించనున్న ఈ చిత్రాన్ని హిందీలో కూడా విడుదల చేయనున్నారు.