ద‌ర్శ‌కేంద్రుడు కె. రాఘ‌వేంద్రారావు మాజీ కోడ‌లు, ర‌చ‌యిత కనికా థిల్లాన్ పెళ్లైపోయింది. బాలీవుడ్ స్క్రీన్ రైట‌ర్ హిమాన్షు శర్మను సోమ‌వారం వివాహం చేసుకున్నారు. ఈ వివాహ వేగుక చాలా నిరాడంబ‌రంగా జ‌రిగింది. ఈ కార్య‌క్ర‌మంలో ఇరు కుటుంబాల‌కు చెందిన అత్యంత స‌న్నిహితులు మాత్ర‌మే పాల్గొని నూత‌న వ‌ధూవ‌రుల‌ని ఆశీర్వ‌దించారు.
వీరి పెళ్లికి సంబంధించిన ఫొటోల‌ని కనికా థిల్లాన్, హిమాన్షు శర్మ సోష‌ల్ మీడియా ఇన్ స్టా వేదిక‌గా నెటిజ‌న్‌ల‌తో పంచుకున్నారు. ప్ర‌స్తుతం ఈ ఫొటోలు సోష‌ల్ మీడియాలో సంద‌డి చేస్తున్నాయి. కనికా థిల్లాన్, హిమాన్షుశ‌ర్మ గత సంవత్సరం డేటింగ్ ప్రారంభించారు. అంతే కాకుండా వారిపై వ‌స్తున్న వార్త‌ల్ని నిజం చేస్తూ గత ఏడాది జూన్‌లో త‌మ సంబంధం గురించి ప్రకటించారు.
ఆ తరువాత ఇరు కుటుంబాల అంగీకారంతో డిసెంబర్ 14 న నిశ్చితార్థం చేసుకున్నారు. నిశ్చితార్థానికి సంబంధించిన ఫొటోల‌ని ఇన్‌స్టా వేదిక‌గా షేర్ చేయ‌డంతో వీరి నిశ్చితార్థానికి సంబంధించిన వార్త‌ల బ‌య‌టికి వ‌చ్చింది. తాజాగా పెళ్లి చేసుకున్న విష‌యాన్ని కూడా క‌నిక, హిమాన్షుశ‌ర్మ ప్రకటించారు. ఈ ఫొటోల‌తో పాటు కనికా తన ఇన్‌స్టాగ్రామ్ ఖాతాలో తన పెళ్లి చిత్రాలను పంచుకుంది. ‘ఇదిగో # 2021 # newbeginnings #himanshusharma.’ అంటూ షేర్ చేసింది. కనికా థిల్లాన్ ఇంతకు దర్శకుడు కె రాఘవేంద్రరావు త‌న‌యుడు సూర్య ప్రకాష్ ను వివాహం చేసుకుని ఆ తరువాత విడిపోయిన విష‌యం తెలిసిందే.