యంగ్ రెబల్ స్టార్ ప్రభాస్ నటిస్తున్న రొమాంటిక్ పిరియాడిక్ డ్రామా `రాధేశ్యామ్`పై ప్రభాస్ ఫ్యాన్స్ ఒత్తిడి రోజు రోజుకీ పెరిగిపోతోంది. రాధాకృష్ణ కుమార్ దర్శకత్వం వహిస్తున్న ఈ పిరియాడిక్ డ్రామా ఫస్ట్ లుక్ కోసం ఫ్యాన్స్ సోషల్ మీడియా వేదికగా టీమ్తో చిన్నపాటి యుద్ధమే చేశారు. ఫస్ట్ లుక్ ఇంత ఆలస్యం చేస్తున్నారంటూ టీమ్ మెంబర్స్ని ఓ దశలో ట్రోల్ చేయడం చర్చనీయాంశంగా మారింది.
ఫ్యాన్స్ ఒత్తిడి భరించలేకపోయిన మేకర్స్ చివరికి సోషల్ మీడియా వేదికగా ఫస్ట్ లుక్ని ఎందుకు విడుదల చేయలేకపోతున్నామో వివరణ ఇవ్వాల్సి వచ్చింది. ఆ తరువాత అదే తంతు టీజర్ విషయంలోనూ పునరావృతం అవుతోంది. టీజర్ని ఎప్పుడు రిలీజ్ చేస్తారంటూ మేకర్స్ ని సోషల్ మీడియా వేదికగా నిలదీసినంత పని చేశారు ప్రభాస్ ఫ్యాన్స్.
దీంతో దర్శకుడు రాధాకృష్ణకుమార్ టీజర్ త్వరలో రిలీజ్ చేయబోతున్నామంటే ప్రకటించారు. టీజర్ అప్ డేట్ వచ్చేస్తోంది. అతి త్వరలోనే టీజర్ రాబోతోంది. ఓపిక పట్టండి. మీ ఎదురుచూపులకు ఏ మాత్రం తగ్గని స్థాయిలో టీజర్ వుంటుందని ప్రామిస్ చేస్తున్నాను` అని దర్శకుడు రాధాకృష్ణకుమార్ ట్విట్టర్ వేదికగా వెల్లడించారు.