![Pawan Kalyan entered krish pan india movie sets Pawan Kalyan entered krish pan india movie sets](https://telugu.tollywood.net/wp-content/uploads/2020/03/Pawan-Kalyan-entered-krish-pan-india-movie-sets.jpg)
క్రేజీ హీరో పవన్కున్నడిమాండ్ ఎంత? ఆయన రేంజ్ ఎంత? అని రెండేళ్ల విరామం తరువాత సినిమా చేస్తున్నారు కాబట్టి ఆ క్రేజ్లోఏమైనా తేడా వచ్చిందా? అని ట్రేడ్ వర్గాలతో పాటు ఇండస్ట్రీ వర్గాలు కూడా అనుమానంగా చూశాయి. అయితే ఇటీవల విడుదలైన `వకీల్ సాబ్` ఫస్ట్ లుక్ టైటిల్ పోస్టర్, మహిళా దినోత్సవం సందర్భంగా రిలీజ్ చేసిన లిరికల్ వీడియో సాంగ్కు వచ్చిన క్రేజ్ని చూశాక పవర్స్టార్ క్రేజ్ లో ఏ మాత్రం పవర్ తగ్గలేదని ఇండస్ట్రీ అంతటికీ పిచ్చ క్లారిటీ వచ్చేసింది.
దీంతో పవన్ నటిస్తున్న `వకీల్ సాబ్` రిలీజ్ కోసం వేయి కళ్లతో అంతా ఎదురుచూస్తున్నారు. పవర్ఫుల్ లాయర్గా పవన్ నటిస్తున్న ఈ చిత్రాన్ని మే 15న రిలీజ్ చేయాలని ప్రొడ్యూసర్స్ దిల్ రాజు, బోనీ కపూర్ ఫిక్స్ అయినట్టు తాజా సమాచారం. `వకీల్సాబ్`ని సైలెంట్గా మొదలుపెట్టి సాధ్యమైనంత వరకు పూర్తి చేసిన పవన్కల్యాణ్ తాజాగా క్రిష్ సినిమా సెట్లోకి ఎంటరయ్యారట.
క్రిష్ డైరెక్షన్లో పవన్ కల్యాణ్ ఓ భారీ పాన్ ఇండియా చిత్రాన్ని తెరకెక్కిస్తున్న విషయం తెలిసిందే. ఏ.ఎం. రత్నం అత్యంత భారీ స్థాయిలో నిర్మిస్తున్న పిరియాడిక్ డ్రామా సెట్లోకి ఇటీవలే ఎంటరైన పవన్ ఈ చిత్ర షూటింగ్లో ఈ నెల 12 వరకు పాల్గొంటారట. 14న జనసేన పార్టీ ఆవిర్భావ కార్యక్రమం వుంది కాబట్టి ఆరోజు పవన్ పార్టీ కార్యాలయంలోనే గడుపుతారని తెలిసింది.