జనసేన అధినేత పవన్ కళ్యాణ్ తెలంగాణ ఎన్నికల్లో పోటీ చేయడం లేదు కానీ అనధికారికంగా తెలంగాణ రాష్ట్ర సమితి కి మద్దతు ఇస్తున్నట్లు తెలుస్తోంది . ప్రశ్నించడానికి రాజకీయాల్లోకి వచ్చాను అంటూ చంద్రబాబు పై ప్రశ్నల వర్షం కురిపిస్తూ తీవ్ర స్థాయిలో విమర్శలు చేస్తున్న పవన్ కేసిఆర్ ని మాత్రం పల్లెత్తు మాట అనడం లేదు . అంతేకాదు తెలంగాణలో జనసేన పోటీ చేయడం లేదు పైగా కేసిఆర్ కు పరోక్షంగా మద్దతు కూడా ప్రకటిస్తున్నాడు . రెండేళ్ళ క్రితం వరకు అలాగే 2014 ఎన్నికల్లో కేసిఆర్ తాట తీస్తా అంటూ కేసిఆర్ ని మాత్రమే కాకుండా కవిత ని కేటిఆర్ లపై తీవ్ర స్థాయిలో విమర్శలు గుప్పించాడు పవన్ . అంతెందుకు తను హీరోగా నటించిన ” కెమెరామెన్ గంగతో రాంబాబు ” చిత్రంలో ఏకంగా కేసిఆర్ , కేటిఆర్ , కవిత లను విలన్లుగా చూపించాడు పవన్ .
కట్ చేస్తే 2018 లో ఎన్నికలు రాగానే ప్రశ్నిస్తా అన్న గొంతు మూగ బోయింది . పక్క రాష్ట్రంలో చంద్రబాబు ని మాత్రం తూర్పార బడుతున్నాడు పవన్ . అక్కడ ప్రశ్నిస్తున్న గొంతు ఇక్కడ మాత్రం మూగబోయింది ఎందుకో ! మతలబు ఏంటో ? లోగుట్టు పెరుమాళ్ళ కెరుక ! రాజకీయ పార్టీ అంటే కనీసం కొన్ని స్థానాల్లోనైనా పోటీ చేయాలి కానీ ఇక్కడ పోటీ అంటే నిలువెల్లా భయపడిపోతున్నాడు , కానీ ఆంధ్రప్రదేశ్ లో మాత్రం మొత్తం 175 స్థానాల్లో పోటీ చేస్తాడట . ఇలా ఉంది పవన్ కళ్యాణ్ వ్యవహారం .
English Title: Pawan kalyan afraid of kcr