మెగా పవర్ స్టార్ రామ్ చరణ్ తన కెరీర్ ను నెక్స్ట్ లెవెల్ కు తీసుకెళ్తున్నాడు. ప్రస్తుతం ఆర్ ఆర్ ఆర్ లో అల్లూరి సీతారామరాజు పాత్రలో కనిపిస్తున్నాడు. అలాగే ఆచార్యలో స్పెషల్ కామియోలో నటిస్తున్నాడు చరణ్. ఈ రెండు తర్వాత శంకర్ దర్శకత్వంలో ప్యాన్ ఇండియా సబ్జెక్ట్ చేస్తోన్న విషయం తెల్సిందే.
ఈ చిత్రం ప్రీ ప్రొడక్షన్ పనులు శరవేగంగా సాగుతున్నాయి. సెప్టెంబర్ నుండి ఈ చిత్ర షూటింగ్ మొదలవుతుందని సమాచారం. ఈ చిత్రంలో హీరోయిన్ గా టాప్ నటి కియారా అద్వానీని తీసుకున్నట్లు అధికారికంగా తీసుకున్న విషయం తెల్సిందే.
అయితే ఈ చిత్రం కోసం కియారా తీసుకుంటున్న పారితోషికం ప్రధాన టాకింగ్ పాయింట్ గా మారింది. ఎందుకంటే ఈ భామ ఏకంగా 5 కోట్ల రూపాయల పారితోషికాన్ని తీసుకుంటోందిట. హిందీలో అత్యంత క్రేజ్ ఈ భామకు ఉండటంతో నిర్మాతలు దిల్ రాజు, శిరీష్ కాదనలేక ఆ అమౌంట్ ఇవ్వడానికి ఒప్పుకున్నారు. ఎస్ ఎస్ థమన్ ఈ చిత్రానికి సంగీతం అందిస్తున్నాడు.