కారణాలు ఏమైనా కానీ బిగ్ బాస్ సీజన్ 3 తెలుగు విన్నర్ గా రాహుల్ సిప్లిగంజ్ నిలిచాడు. శ్రీముఖితో చాలా టఫ్ కాంపిటీషన్ నడిచినా కానీ చివరికి రాహుల్ నిలబడ్డాడు. టికెట్ టు ఫినాలే గెలిచి స్ట్రైట్ గా ఫైనల్స్ కు చేరిన రాహుల్, లాస్ట్ వీక్ నామినేషన్స్ లో లేకపోవడంతో ఓటింగ్ లో లేడు. మరోవైపు శ్రీముఖి, వరుణ్ సందేశ్, బాబా భాస్కర్ వంటి వారు నామినేషన్స్ నుండి సేవ్ అయి వచ్చారు. దీంతో సేవ్ అయిన వారికి ఫుల్ కాన్ఫిడెన్స్ ఇచ్చింది. తమ కోసం ప్రేక్షకులు ఓట్లు వేస్తున్నారని తెలిసింది. కానీ రాహుల్ డైరెక్ట్ గా ఫైనల్స్ కు వెళ్లడంతో తన ఓటు బ్యాంక్ గురించి కొంత ఆందోళన చెందిన మాట వాస్తవం. ఏదైతేనేం మొత్తానికి రాహుల్ సిప్లిగంజ్ అత్యధిక ఓట్లు తెచ్చుకుని బిగ్ బాస్ విన్నర్ గా నిలిచాడు.
రాహుల్ సిప్లిగంజ్ హౌజ్ లోకి ఎంటరైన తొలి వారాలకి, లాస్ట్ వారాలకి చాలా డిఫరెన్స్ ఉంది. మొదట్లో చాలా లో కాన్ఫిడెన్స్ తో కనిపించేవాడు రాహుల్. అయితే నెమ్మదిగా పునర్నవితో బాండ్ ఏర్పడడం, వరుణ్, వితిక, రాహుల్, పునర్నవి ఒక బ్యాచ్ గా ఏర్పడడంతో రాహుల్ నెమ్మదిగా కాన్ఫిడెన్స్ గైన్ చేయడం మొదలుపెట్టాడు. మొదట్లో పెద్దగా టాస్క్ లు కూడా ఆడని రాహుల్ కు ఫుటేజ్ దొరికిందంటే దానికి కారణం పునర్నవి.
ఆమెతో రాహుల్ కు స్నేహంలా మొదలైన వ్యవహారం, తర్వాత దానిని మించి మరేదో ఉందన్నట్లుగా ఇద్దరూ కలరింగ్ ఇచ్చారు. నాగార్జున కూడా ఈ విషయంపై ఏం తేల్చకుండా వాళ్లతో సరదాగా జోకులు వేస్తూ ఆటపట్టిస్తూ రాహుల్ కు కావాల్సినంత హెల్ప్ చేసాడు. రాహుల్ – పునర్నవి బంధం రాహుల్ కు భలే ప్లస్ అయింది. కంటెస్టెంట్స్ కూడా వీళ్లిద్దరి పెయిర్ ను లైక్ చేయడం మొదలుపెట్టారు. మధ్యలో పునర్నవి ఎలిమినేట్ అవ్వడంతో రాహుల్ ఎమోషనల్ అవ్వడం అతనికి మరింత ప్లస్ అయింది.
హౌజ్ లో ఉన్నప్పుడు అసలు వారిద్దరి బంధం గురించి ఎటువంటి క్లారిటీ ఇవ్వని రాహుల్ సిప్లిగంజ్ హౌజ్ నుండి బయటకు వచ్చిన వెంటనే పునర్నవితో రిలేషన్ గురించి పెదవి విప్పాడు. పునర్నవి తనకు మంచి స్నేహితురాలు మాత్రమేనని, ఆల్రెడీ తన లైఫ్ లో వేరొకరు ఉన్నారని పేర్కొన్నాడు. పునర్నవిని డేటింగ్ కు పిలిచినట్లు కూడా రాహుల్ ఒప్పుకున్నాడు. అయితే అందుకు పునర్నవి ఒప్పుకోలేదట. మొత్తానికి రాహుల్ – పునర్నవి బంధం గురించి సీక్రెట్ రివీల్ అయిపోయినట్లే.
ఇక రూమర్ రాయుళ్లు ఈ దెబ్బకు రెస్ట్ తీసుకోవచ్చు. ఇదిలా ఉంటే పునర్నవి లైఫ్ లో ఇంకొకరు ఉన్నారని తెలిసినప్పుడు ఇద్దరూ ఎందుకంత క్లోజ్ గా మూవ్ అవుతూ ఇద్దరి మధ్యన ఏదో ఉందన్నట్లుగా కలరింగ్ ఇచ్చారన్నది అర్ధం కాని ప్రశ్న. కేవలం బిగ్ బాస్ కోసం వీరిద్దరూ రిలేషన్ ను వాడుకున్నారు. ఏదైతేనేం, మొత్తానికి రాహుల్ విన్ అయ్యాడు. ఇప్పుడు దేని గురించి జరిగినా ఒకటే.