నందమూరి బాలకృష్ణ ఎన్టీఆర్ కథానాయకుడు, మహానాయకుడు ఇచ్చిన షాక్ నుండి త్వరగానే తేరుకున్నాడు. కొన్ని నెలల విరామం తీసుకుని కెఎస్ రవికుమార్ తో సినిమాను పట్టాలెక్కించాడు. అవుట్ అండ్ అవుట్ మాస్ ఎంటర్టైనర్ గా తెరకెక్కుతున్న ఈ చిత్రంలో బాలయ్య రెండు పాత్రల్లో నటిస్తున్నాడు. అంటే మరోసారి డబల్ రోల్ చేస్తున్నాడు.
ముందు నుండీ ఈ చిత్రానికి రూలర్ అనే టైటిల్ పరిశీలనలో ఉంటూ వస్తోంది. దాన్ని టీమ్ ఖండించకపోవడంతో అదే టైటిల్ అని ఫిక్స్ అయిపోయారంతా. అయితే తాజాగా వినిపిస్తున్న సమాచారం ప్రకారం ఈ చిత్రానికి రూలర్ అనే టైటిల్ అసలు పరిశీలించలేదట. ప్రస్తుతం రెండు టైటిల్స్ ను కన్సిడర్ చేస్తున్నట్లు వార్తలు వస్తున్నాయి. అవే డిపార్ట్మెంట్, జడ్జిమెంట్.
ఈ రెండిట్లో ఏదో ఒక పేరుని ఫైనల్ చేసి దీపావళి లోగా ప్రకటిస్తారట. సోనాల్ చౌహన్, వేదిక హీరోయిన్లుగా నటిస్తున్న ఈ చిత్రంలో భూమిక కీలక పాత్ర పోషిస్తోంది. ఇప్పటికే బాలయ్య ఐరన్ మ్యాన్ లుక్ కు ప్రేక్షకుల నుండి మంచి స్పందన లభిస్తోంది. నవంబర్ కల్లా ఈ చిత్ర షూటింగ్ ను పూర్తి చేసి బోయపాటి సినిమాను మొదలుపెట్టాలి బాలకృష్ణ.