![కాస్టింగ్ కౌచ్ పై షాకింగ్ కామెంట్స్ చేసిన ఇలియానా కాస్టింగ్ కౌచ్ పై షాకింగ్ కామెంట్స్ చేసిన ఇలియానా](https://telugu.tollywood.net/wp-content/uploads/2021/09/ileana-responds-on-casting-couch.jpg)
నడుమందాల భామ ఇలియానా తెలుగులో దేవదాస్ చిత్రంతో డెబ్యూ చేసిన విషయం తెల్సిందే. ఆ తర్వాత చేసిన పోకిరి ఆమెకు స్టార్డంను తీసుకొచ్చింది. ఆ తర్వాత వరసగా హిట్ సినిమాల్లో, స్టార్ హీరోలతో నటించింది ఇలియానా. ఇక్కడ టాప్ రేంజ్ ను అందుకున్న ఇలియానా ఆ తర్వాత బాలీవుడ్ కు చెక్కేసింది.
అయితే తెలుగులో వచ్చినంత ఫేమ్ అండ్ ఫాలోయింగ్ ఆమెకు అక్కడ రాలేదు. దీంతో ఇలియానాకు కొన్ని సినిమాల తర్వాత అవకాశాలు తగ్గిపోయాయి. కాకపోతే ఇలియానా సోషల్ మీడియాలో మాత్రం చాలా యాక్టివ్ గా ఉంటుంది.
ఈ మధ్యనే ఇలియానా ఒక ఇంటర్వ్యూలో పాల్గొంది. అందులో కాస్టింగ్ కౌచ్ గురించి స్పందించింది. గత కొన్ని ఏళ్లుగా ఈ వ్యవహారం ఇండస్ట్రీలో నలుగుతోంది. కొంత మంది పేర్లు కూడా బయటకు వచ్చాయి. ఇక ఇలియానా ఈ విషయం గురించి మాట్లాడుతూ ఇండస్ట్రీలో కాస్టింగ్ కౌచ్ వ్యవహారం ఉందని, సినిమా ఆఫర్ల కోసం నిర్మాతలు, దర్శకులు శారీరక అవసరాలు తీర్చమని అడుగుతారని ఇలియానా స్పందించింది. దీంతో కాస్టింగ్ కౌచ్ ప్రస్తావన మరోసారి వచ్చింది.