మ‌ల‌యాళ యంగ్ హీరో దుల్క‌ర్ స‌ల్మాన్ విభిన్న‌మైన చిత్రాల‌తో క్రేజీ హీరోగా పేరు తెచ్చుకుంటున్నాడు. ఓకే బంగారం, మ‌హాన‌టి చిత్రాల‌తో తెలుగులో మంచి గుర్తింపుని సొంతం చేసుకున్న దుల్క‌ర్ తెలుగులో మ‌రో చిత్రాన్ని అంగీక‌రించిన విష‌యం తెలిసిందే. హ‌ను రాఘ‌వ‌పూడి ఈ చిత్రాన్ని తెర‌కెక్కించ‌నున్నారు. వైజ‌యంతీ మూవీస్ స‌మ‌ర్ప‌ణ‌లో స్వ‌ప్నా సినిమా బ్యాన‌ర్‌పై ప్రియాంక ద‌త్ ఈ చిత్రాన్ని నిర్మిస్తున్నారు.
1964 నేప‌థ్యంలో సాగే పిరియాడిక్ ల‌వ్‌స్టోరీగా ఈ సినిమా వుంబోతోంది. వార్ నేప‌థ్యంలో సినిమా సాగుతుంద‌ని తెలుస్తోంది. దుల్క‌ర్ స‌ల్మాన్ పుట్టిన రోజు సందర్భంగా ఈ చిత్ర ఫస్ట్ లుక్ కాన్సెప్ట్ పోస్ట‌ర్‌ని చిత్ర బృందం మంగ‌ళ‌వారం రిలీజ్ చేసింది. ఇందులో దుల్క‌ర్ స‌ల్మాన్ లెఫ్టినెంట్ రామ్‌గా క‌నిపించ‌బోతున్నాడు. ఇంకా టైటిల్ ఫైన‌ల్ కాని ఈ చిత్రానికి `యుద్ధంతో రాసిన ప్రేమ‌క‌థ` అనే ట్యాగ్ లైన్‌ని పెట్టారు.
విశాల్ చంద్ర‌శేఖ‌ర్‌ సంగీతం అందిస్తున్న ఈ చిత్రాన్ని త్వ‌ర‌లోనే ప‌ట్టాలెక్కించనున్నార‌ని తెలుస్తోంది. క‌రోనా వైర‌స్ నేప‌థ్యంలో ఈ మూవీ ఇప్ప‌ట్లో వుండే అవ‌కాశం లేద‌ని వార్త‌లు వినిపించాయి. అయితే ఆ వార్త‌ల‌కు చెక్ పెడుతూ చిత్ర బృందం దుల్క‌ర్ స‌ల్మాన్ పుట్టిన రోజు సందర్భంగా ఈ చిత్ర ఫస్ట్ లుక్ కాన్సెప్ట్ పోస్ట‌ర్‌ని రిలీజ్ చేయ‌డం ఆస‌క్తిక‌రంగా మారింది.