ఐకాన్ స్టార్ అల్లు అర్జున్ నటిస్తోన్న తాజా చిత్రం పుష్ప. ఈ సినిమా షూటింగ్ ఇప్పుడు చివరి దశలో ఉంది. అల్లు అర్జున్ సరసన రష్మిక మందన్న హీరోయిన్ గా నటిస్తోన్న ఈ చిత్ర ఫస్ట్ టీజర్, సాంగ్ కు సూపర్బ్ రెస్పాన్స్ వచ్చింది. దాక్కో దాక్కో మేక సాంగ్ హీరో పాత్ర చిత్రణకు దగ్గరగా ఉందని అర్ధమవుతోంది.
ఇక ఈ సినిమాలో ఫహద్ ఫాజిల్ విలన్ పాత్రను పోషిస్తున్నట్లు అధికారికంగా వెల్లడించారు. తాజా సమాచారం ప్రకారం ఫహద్ ఫాజిల్ పుష్ప షూట్ లో పాల్గొనడానికి సన్నద్ధమవుతున్నాడు. ఆగస్ట్ 20 నుండి ఫహద్ ఉండే సీన్స్ ను చిత్రీకరిస్తారు. ఈ చిత్రాన్ని రెండు భాగాలుగా విడుదల చేస్తారని ఇప్పటికే తెలియజేసారు.
పుష్ప మొదటి భాగం ది రైజ్ లో ఫహద్ పాత్ర పరిధి తక్కువగానే ఉంటుంది. ఎర్ర చందనాన్ని స్మగ్లింగ్ చేసే లారీ డ్రైవర్ పుష్ప రాజ్ గా అల్లు అర్జున్ ప్రయాణం ఆ ఏరియాను శాసించే దిశగా ఎలా ఎదిగింది అన్నది ఈ సినిమాలో ప్రధానంగా చూపిస్తున్నారు.