మాస్ మహారాజా రవితేజ నటించిన లేటెస్ట్ ఎంటర్టైనర్ డిస్కో రాజా విడుదలకు ముందు మంచి అంచనాలను ఏర్పరిచింది. ప్రస్తుతం ఉన్న పరిస్థితులలో రవితేజకు హిట్ చాలా అవసరం. అయితే డిస్కో రాజా మాత్రం పాజిటివ్ టాక్ తెచ్చుకోవడంలో విఫలమైంది. ఈ చిత్రానికి యావరేజ్ రేటింగులే వచ్చాయి. సైన్స్ ఫిక్షన్ కథ అని చెప్పినా కానీ డిస్కో రాజాలో తర్వాతి వ్యవహారం రొటీన్ గానే ఉందంటూ క్రిటిక్స్ అభిప్రాయపడ్డారు. 22 కోట్లకు బిజినెస్ చేసిన ఈ చిత్రానికి సంక్రాంతి సినిమాలు ఇంకా బాగానే హోల్డ్ చేస్తుండడంతో లిమిటెడ్ రిలీజ్ దక్కింది.
అయితే తొలిరోజు ఈ చిత్రం డీసెంట్ గానే పెర్ఫార్మ్ చేసింది. మొదటి రోజు ఈ చిత్రం 2.58 కోట్ల షేర్ ను సాధించింది. ఇక రెండో రోజు కూడా డిస్కో రాజా బాగానే హోల్డ్ చేసింది. శనివారం రోజు ఈ చిత్రం 1.65 కోట్ల షేర్ ను సాధించింది. రెండు రోజులకు కలుపుకుంటే డిస్కో రాజా షేర్ 4.23 కోట్లకు చేరుకుంది. ఈరోజు ఆదివారం కూడా ఈ చిత్రం డీసెంట్ గానే పెర్ఫార్మ్ చేస్తుందని ట్రేడ్ పండితులు అంటున్నారు. ఈ చిత్రానికి కనుక పాజిటివ్ టాక్ వచ్చి ఉంటే కలెక్షన్స్ మరో రేంజ్ లో ఉండేవని అంటున్నారు. ఏదేమైనా డిస్కో రాజా ప్రస్తుతానికి పర్వాలేదనిపిస్తోంది. మరి వీక్ డేస్ లో ఈ చిత్రం ఎలా పెర్ఫార్మ్ చేస్తుందన్న దానిపై చిత్ర విజయావకాశాలు ఆధారపడి ఉన్నాయి.
డిస్కో రాజా 2 డేస్ కలెక్షన్స్ రిపోర్ట్
నైజాం : 1.8 కోట్లు
సీడెడ్ : 57.9 లక్షలు
గుంటూరు : 28.3 లక్షలు
ఉత్తరాంధ్ర : 51 లక్షలు
తూర్పు గోదావరి : 33.5 లక్షలు
పశ్చిమ గోదావరి : 25.6 లక్షలు
కృష్ణ : 30.4 లక్షలు
నెల్లూరు : 17.2 లక్షలు
2 డేస్ మొత్తం షేర్ : 4.23 కోట్లు