విజయం కోసం అర్రులు చాస్తున్న అగ్ర నిర్మాత దిల్ రాజు తాజాగా తమిళంలో విడుదలైన 96 అనే చిత్ర రీమేక్ హక్కులను కొన్నాడు , అయితే ఆ సినిమా వివాదంలో ఇరుక్కుంది . అక్టోబర్ 4న విడుదలైన 96 చిత్రం హిట్ టాక్ తో దూసుకుపోతోంది దాంతో ఆ చిత్ర బృందం తో పాటుగా దిల్ రాజు కూడా చాలా సంతోషపడ్డాడు కానీ ఆ సంతోషం ఎక్కువసేపు నిలవకుండా 96 చిత్ర కథ నాదే అంటూ ఆర్ . విచు అనే వ్యక్తి వివాదానికి ఆజ్యం పోశాడు . నాలుగేళ్ళ క్రితం ఈ కథ ని నిర్మాత నందగోపాల్ కు చెప్పానని , కట్ చేస్తే ఇప్పుడు మరొక దర్శకుడితో నా సినిమాని రూపొందించారని …… నన్ను మోసం చేసారని సంచలన ఆరోపణలు చేస్తున్నాడు రచయిత విచు .
విజయ్ సేతుపతి – త్రిష జంటగా నటించిన ఈ చిత్రానికి విడుదలకు ముందే పాజిటివ్ టాక్ స్ప్రెడ్ అయ్యింది దాంతో చెన్నై వెళ్లి రీమేక్ హక్కులు కొన్నాడు దిల్ రాజు . నాని – సమంత జంటగా ఈ చిత్రాన్ని రీమేక్ చేయడానికి సన్నాహాలు కూడా చేస్తున్నాడు . అంతా బాగుంది అని అనుకుంటున్న సమయంలో 96 కథ నాది అంటూ ఓ వ్యక్తి రావడం వివాదం అయ్యింది . అయితే విచు అనే వ్యక్తి ఆరోపణలు చేస్తున్నాడు , వివాదాన్ని పెద్దది చేస్తున్నాడు కానీ 96 బృందం మాత్రం ఇతడి గురించి పట్టించుకోవడం లేదు ఎందుకో !ఈ వివాదం సద్దుమణిగితే తెలుగులో 96 చిత్రాన్ని రీమేక్ చేసే పనిలో పడతాడు దిల్ రాజు . పాపం ఈమధ్య వరుస ప్లాప్ లతో ఇబ్బంది పడుతున్నాడు మరి .
English Title: controversy on 96 tamil movie