హృధ‌య కాలేయం, కొబ్బ‌రిమ‌ట్ట లాంటి స్పూఫ్ చిత్రాల‌తో మంచి విజ‌యాల్ని ద‌క్కించుకున్న అమృత ప్రొడ‌క్ష‌న్స్ నిర్మాస్తున్న తాజా చిత్రం `క‌ల‌ర్ ఫొటో`. మ‌జిలీ, డియార్ కామ్రేడ్, ప్ర‌తిరోజు పండ‌‌గే వంటి చిత్రాల్లో త‌న‌దైన కామెడీతో ఆక‌ట్టుకున్న సుహాస్ ఈ చిత్రంతో హీరోగా ప‌రిచ‌యం అవుతున్నారు. చాందిని చౌద‌రి హీరోయిన్‌గా న‌టిస్తున్న ఈ చిత్రంలోని కీల‌క పాత్ర‌లో సునీల్ క‌నిపించ‌బోతున్నారు. సందీప్ రాజ్ ద‌ర్శ‌కుడిగా ప‌రిచ‌యం అవుతున్న ఈ చిత్రాన్ని సాయి రాజేష్ నీలం, బెన్ని ముప్పానేని సంయుక్తంగా నిర్మిస్తున్నారు.
ఈ చిత్ర టీజ‌ర్‌ని క్రేజీ హీరో విజయ్ దేవరకొండ రిలీజ్ చేశారు. కామెడీతో సాగే ఓ ఎమోష‌న‌ల్ ల‌వ్ స్టోరీగా ఈ సినిమాని ద‌ర్శ‌కుడు తెర‌కెక్కిస్తున్నారు. కీర‌వాణి త‌న‌యుడు కాల‌భైర‌వ ఈ చిత్రానికి సంగీతం అందించారు. `నాలాంటి న‌ల్ల‌గున్న అబ్బాయి మీ లాంటి అంద‌మైన అమ్మాయిని ప్రేమిస్తే ఫ్రెండ్స్ కామెంట్స్ చేస్తారు. ఒక‌డేమో బ్లాక్ అండ్ వైట్ అని, మ‌రొక‌డేమో ఆశ‌కు హ‌ద్దు వుండాల‌ని అంటారు` అని టీజ‌ర్‌లో సుహాస్ చెబుతున్న డైలాగ్ సినిమా నేప‌థ్యం ఏంటి? ఎలా వుండ‌బోతోంద‌న్న విష‌యాల్ని తెలియ‌జేస్తోంది.
`న‌వువ్ ప్రేమించిన అమ్మాయి చ‌నిపోయింది. శ‌వం వ‌ద్ద కూర్చుని ఏడుస్తున్నారు. అక్క‌డికో పులి వ‌చ్చింది ఏం చేస్తారు? అని సునిల్ ప్ర‌శ్నిస్తే `పారిపోతాం` అని సుహాస్ చెబుతుండ‌టం, దానికి బ‌దులుగా `ఇప్పుడు చెప్పు ప్రేమ గొప్ప‌దా భ‌యం గొప్ప‌దా? ` అని సునీల్ అడ‌గ‌డం ఆక‌ట్టుకుంటోంది. ఎంట‌ర్‌టైన్‌మెంట్ వేలో సాగే సీరియ‌స్ ల‌వ్ స్టోరీగా ఈ సినిమా వుంటుంద‌ని సునీల్ పాత్రని బ‌ట్టి అర్థ‌మ‌వుతోంది. మొత్తానికి టీజర్ ప్రామిసింగ్‌గానే క‌నిపిస్తోంది.