మెగాస్టార్ చిరంజీవి ఇప్పుడు మంచి ఫ్లో లో ఉన్నాడు. ఆచార్య చిత్రాన్ని దాదాపు పూర్తి చేసిన చిరంజీవి ఆగస్ట్ మూడో వారం నుండి లూసిఫెర్ రీమేక్ షూటింగ్ ను మొదలుపెడుతున్నాడు. మోహన్ రాజా ఈ చిత్రాన్ని డైరెక్ట్ చేస్తున్నాడు. ఇదిలా ఉంటే చిరంజీవి మరో చిత్రాన్ని కూడా మొదలుపెట్టడానికి ప్లాన్ చేస్తున్నాడు.
జై లవ కుశ, పవర్, వెంకీ మామ వంటి చిత్రాలను డైరెక్ట్ చేసిన బాబీ మెగాస్టార్ తో సినిమా తీయబోతున్న విషయం తెల్సిందే. ఈ స్క్రిప్ట్ ఫైనల్ డ్రాఫ్ట్ సిద్ధమైనట్లు తెలుస్తోంది. ఈ విషయాన్ని స్వయంగా బాబీ తెలియజేసాడు. ఇటీవలే ఒక ఇంటర్వ్యూలో మాట్లాడుతూ దసరా నుండి ఈ చిత్ర షూటింగ్ మొదలవుతుందని తెలిపాడు.
తాను చిరంజీవికి పెద్ద ఫ్యాన్ అని, ఈ చిత్రం చిరంజీవి ఫ్యాన్ డమ్ కు నీరాజనం వంటిదని కచ్చితంగా అందరి మెప్పు పొందుతుందని నమ్మకంగా చెబుతున్నాడు బాబీ, ఈ రెండూ కాకుండా మెహర్ రమేష్ తో సినిమాను కూడా ఓకే చేసాడు చిరంజీవి.