వరల్డ్స్ బిగ్గెస్ట్ రియాలిటీ షో బిగ్ బాస్ తెలుగులో మరో సీజన్ పూర్తి చేసుకోవడానికి సిద్ధంగా ఉంది. మరో 8 రోజుల్లో బిగ్ బాస్ పూర్తి కానుంది. ఇప్పటికే రాహుల్, బాబా భాస్కర్, శ్రీముఖి ఫైనల్స్ కు చేరుకున్నారు. ఇక మిగిలిన ముగ్గురు వరుణ్, అలీ, శివజ్యోతిలలో ఒకరు ఎలిమినేట్ అయి మరో ఇద్దరు ఫైనల్స్ కు చేరుకుంటారు. ఈరోజు ఎపిసోడ్ లో అది కూడా తెలిసిపోతుంది. ఇక ఫైనల్స్ కు చేరిన ఐదుగురిలో తర్వాత వారం ఎపిసోడ్ లో ఒకరు బిగ్ బాస్ 3 టైటిల్ ను గెలుచుకుంటారు. అయితే బిగ్ బాస్ లో ఎన్నో ప్రత్యేకతలు ఉంటాయి. అలాగే ఈసారి టైటిల్ ను ప్రకటించేది హోస్ట్ నాగార్జున కాదు.
నాగార్జున ఫైనల్ వీక్ ను కూడా హోస్ట్ చేసినా టైటిల్ ప్రకటించే సమయానికి మరొక సూపర్ గెస్ట్ వచ్చి బిగ్ బాస్ విజేతను ప్రకటిస్తారు. ఈ స్పెషల్ గెస్ట్ గా మెగాస్టార్ చిరంజీవిని ఆహ్వానించినట్టు తెలుస్తోంది. అక్కినేని నాగార్జున స్వయంగా వెళ్లి చిరంజీవిని ఫైనల్ వీక్ కు ఆహ్వానించాడట. చిరంజీవి కూడా ఈ విషయంలో పాజిటివ్ గా రెస్పాండ్ అయి కచ్చితంగా వస్తానని మాట ఇచ్చినట్లు తెలుస్తోంది. సైరా ఫైనల్ రన్ కు చేరుకుంటుండడం, ఇంకా కొరటాల శివ సినిమా మొదలుకావడానికి సమయం ఉండడంతో ఒకరోజును బిగ్ బాస్ కోసం కేటాయించడం చిరంజీవికి సులువైంది.
దీంతో బిగ్ బాస్ సీజన్ 3 లాస్ట్ డే నాడు చిరంజీవి, నాగార్జున కలిసి బిగ్ బాస్ ను నడిపించబోతున్నారు. మొదటి రెండు సీజన్లతో పోలిస్తే ఈసారి బిగ్ బాస్ మరింత వినూత్నంగా ఉండేలా బిగ్ బాస్ యాజమాన్యం ప్రణాళికలు వేస్తోంది. లాస్ట్ వీక్ కు వచ్చినా ప్రేక్షకులకు నచ్చేలా, టిఆర్పిలో భారీగా నమోదయ్యేలా వ్యూహాలు రచించింది బిగ్ బాస్ టీమ్. ఇప్పటికే లాస్ట్ వీక్ ఏ విధంగా సాగాలి అనే దాని మీద షెడ్యూల్ మొత్తం సిద్ధమైపోయిందట. బిగ్ బాస్ 3 లో పాల్గొన్న కంటెస్టెంట్స్ కు ఆహ్వానాలు పంపుతున్నారట. లాస్ట్ డే నాడు అందరూ ఉండేలా బిగ్ బాస్ యాజమాన్యం చూస్తోందని తెలుస్తోంది.
ఇది పక్కన పెడితే ఈరోజు ఎపిసోడ్ లో ఎవరు ఎలిమినేట్ అవుతారు, మిగిలిన ముగ్గురిలో ఎవరు ఫైనల్స్ కు చేరతారన్నది ఆసక్తికరంగా మారింది. నిన్న సోషల్ మీడియాలో శివజ్యోతి ఎలిమినేట్ అయిపోయిందని వార్తలు వచ్చాయి. ఐతే అలీ కూడా ఎడ్జ్ లో ఉన్నట్లు తెలుస్తోంది. మరి వార్తలు వచ్చినట్లు నిజంగానే శివజ్యోతి ఎలిమినేట్ అయిపోయిందా లేక అలీ ఎలిమినేట్ అయ్యాడా అనేది మరికొద్ది గంటల్లో తెలిసిపోతుంది. వరుణ్ అయితే ఫైనల్స్ కు చేరినట్టేనని చెబుతున్నారు. ఎవరు ఫైనల్స్ కు చేరినా లాస్ట్ సీజన్ టైప్ లో క్లియర్ విన్నర్ ఎవరనేది ముందే ఊహించడం చాలా కష్టం. లాస్ట్ టైమ్ అయితే కౌశల్ షో ను వన్ సైడ్ చేసేసాడు. షో పూర్తవ్వడానికి చాలా ముందే కౌశల్ విన్నర్ అని తేలిపోయింది.
మరి ఈసారి ఎవరు టైటిల్ గెలుచుకుంటారో చిరంజీవి చేతుల మీదుగా బిగ్ బాస్ టైటిల్ గెలుచుకునే ఆ అదృష్టవంతులు ఎవరనేది వచ్చే ఆదివారమే తెలుస్తుంది.