నంద‌మూరి న‌ట‌సింహం బాల‌కృష్ణ హీరోగా బోయ‌పాటి శ్రీ‌ను కాంబినేష‌న్‌లో ముచ్చ‌ట‌గా మూడ‌వ సినిమా వ‌చ్చే స్తోంది. మిర్యాల ర‌వీంద‌ర్‌రెడ్డి ఈ చిత్రాన్ని నిర్మిస్తున్నారు. ఊర మాస్ చిత్రాల‌కు కేరాఫ్ అడ్ర‌స్‌గా నిలిచారు బోయ‌పాటి శ్రీ‌ను. ఆయ‌న సింహా, లెజెండ్ చిత్రాల త‌రువాత బాలయ్యతో క‌లిసి చేస్తున్న సినిమా కావ‌డంతో ఈ చిత్రంపై భారీ అంచ‌నాలు నెల‌కొన్నాయి.
ఇటీవ‌ల బాల‌కృష్ణ పుట్టిన రోజు సంద‌ర్భంగా రిలీజ్ చేసిన బీబీ3 ఫ‌స్ట్ రోర్ సినిమాపై భారీ అంచ‌నాల‌ని పెంచేసింది. ఫ‌స్ట్ రోర్ లో బాల‌కృష్ణ చెప్పిన డైలాగ్‌లు, లుక్ సినిమా ఓ రేంజ్‌లో వుండ‌బోతుంద‌నే సంకేతాల్ని అందించింది. బోయ‌పాటి మార్కు మాస్ మ‌సాలా యాక్ష‌న్ ఎంటర్‌టైన‌ర్‌గా రూపొందుతున్న ఈ చిత్రానికి `మోనార్క్‌` అనే టైటిట్ తెగ ప్ర‌చారం అయింది. అయితే తాజాగా ఆ పేరు స్థానంలో `డేంజ‌ర్‌` టైటిల్‌ని ప‌రిశీలిస్తున్న‌ట్టు సోష‌ల్ మీడియాలో వైర‌ల్ అవుతోంది.
టైటిల్‌ని బోయ‌పాటి త్వ‌ర‌లోనే ప్ర‌క‌టించే అవ‌కాశం వుంద‌ని తాజా స‌మాచారం. రైతు స‌మ‌స్య‌ల నేప‌థ్యంలో ఈ చిత్రాన్ని తెర‌కెక్కిస్తున్నార‌ట. ఇందులో బాల‌య్య డ్యుయ‌ల్ రోల్ ప్లే చేస్తున్నారు. ఇందులో ఒకటి అఘోరా పాత్ర కావ‌డం సినిమాపై మ‌రింత ఆస‌క్తిని రేకెత్తిస్తోంది. బాల‌కృష్ణ 106వ చిత్రంగా ఈ సినిమా రూపొందుతోంది. కీల‌క ఘ‌ట్టాల‌ని కోవిడ్ ప్ర‌బ‌ల‌డానికి ముందే చిత్రీక‌రించారు. సెప్టెంబర్ నుంచి షూటింగ్‌ని పునః ప్రారంభించాల‌ని బోయ‌పాటి ప్లాన్ చేస్తున్నార‌ట. త‌మ‌న్ ఈ చిత్రానికి సంగీతం అందిస్తున్నారు.