బండ్ల గణేష్ స్పందించే తీరు వేరు. త‌న‌కు ఏద‌నిపిస్తే అదే మాట్లాడే బండ్ల గణేష్ తాజాగా త‌ను పవర్స్టార్ ప‌వ‌న్‌క‌ల్యాణ్‌తో నిర్మించిన `తీన్‌మార్‌` చిత్రంపై సంచ‌ల‌న ట్వీట్‌లు చేశారు. ప‌వ‌ర్‌స్టార్‌పై ప్ర‌శంస‌ల వ‌ర్ం కురిపించారు. పవర్స్టార్ ప‌వ‌న్‌క‌ల్యాణ్ న‌టించిన చిత్రం `తీన్‌మార్‌`. జ‌యంత్ సి. ప‌రాన్జీ రూపొందించిన ఈ చిత్రం ఈ నెల 14తో 9 ఏళ్లు పూర్తి చేసుకుంది. ఈ సంద‌ర్భంగా ఈ చిత్ర నిర్మాత, న‌టుడు బండ్ల గణేష్ త‌న‌దైన శైలిలో స్పందించారు.
`తీన్‌మార్‌` త‌న జీవితంలో మర్చిపోలేని చిత్ర‌మని, విజ‌యం సాధించ‌క‌పోయినా నిర్మాత‌గా త‌న‌కు మర్చిపోలేని అద్భుత‌మైన అనుభూతిని మిగిల్చింద‌ని చెప్పుకొచ్చారు. ఈ చిత్రాన్ని కాశీ, మైసూర్‌, అమెరికా, సౌత్ ఆఫ్రికా, థాయిలాండ్‌లో షూట్ చేశాం. ఈ చిత్రంలో హృద‌యానికి హ‌త్తుకునే అద్భుత‌మైన డైలాగ్స్ ఎన్నో వున్నాయని, ఉదాహ‌ర‌ణ‌కు ..అందంగా లేద‌ని అమ్మ‌ని, కోపంగా వున్నాడ‌ని నాన్న‌ని వ‌ద‌లేవు క‌దా… వంటి డైలాగ్ లెన్నో వున్నాయన్నారు.
అర్జున్ పాల్వాయ్‌గా, మైఖేల్ వేలాయుధంగా మా బాస్ ఈ చిత్రంలో అద్భుతంగా న‌టించార‌ని పవర్స్టార్ ప‌వ‌న్‌క‌ల్యాణ్‌పై ప్ర‌శంస‌ల వ‌ర్షం కురిపించారు. ఇటీవ‌ల మహేష్ న‌టించిన `స‌రిలేరు నీకెవ్వ‌రు` చిత్రంతో బండ్ల గణేష్ మ‌ళ్లీ న‌టుడిగా రీఎంట్రీ ఇచ్చిన విష‌యం తెలిసిందే.