ఐకాన్ స్టార్ అల్లు అర్జున్ తన కెరీర్ ను నెక్స్ట్ లెవెల్ కు తీసుకెళ్లాలని చూస్తున్నాడు. ప్రస్తుతం అల్లు అర్జున్ పుష్ప పార్ట్ 1 లో నటిస్తోన్న విషయం తెల్సిందే. ఈ సినిమా షూటింగ్ శరవేగంగా సాగుతోన్న విషయం తెల్సిందే. కరోనా సెకండ్ వేవ్ కారణంగా ఈ సినిమా షూటింగ్ కొద్ది నెలలు వాయిదా పడ్డా ఇప్పుడు తిరిగి ప్రారంభమవుతోంది.
హైదరాబాద్ లో చిన్న షెడ్యూల్ పూర్తైన తర్వాత గోవాలో ఈ చిత్ర భారీ షెడ్యూల్ ఉంటుందని తెలుస్తోంది. ఇక పుష్ప పార్ట్ 1 విడుదలయ్యాక అల్లు అర్జున్ ఐకాన్ చిత్రాన్ని చేయనున్నాడు. ఈ ప్రాజెక్ట్ రెండేళ్ల నుండీ చర్చల దశలో ఉంది. అల్లు అర్జున్ ఎప్పుడో ఈ ప్రాజెక్ట్ ను ఓకే చేసినా కానీ పెండింగ్ లో పెట్టాడు.
మొత్తానికి పుష్ప పార్ట్ 1 తర్వాత ఐకాన్ ఉంటుంది. ఇక ఈ చిత్రంలో అల్లు అర్జున్ ఛాలెంజింగ్ రోల్ ను చేస్తున్నాడు. అంధుడి పాత్రలో బన్నీ అలరించనున్నాడు. ఐకాన్ గురించి మరింత సమాచారం త్వరలోనే తెలుస్తుంది.