క‌న్న‌డ రాక్‌స్టార్ యష్ `కేజీఎఫ్` సినిమాతో పాన్ ఇండియా స్టార్‌గా మారిపోయారు. ప్రస్తుతం పార్ట్ 2 చిత్రీక‌ర‌ణ‌లో బిజీగా మారిపోయిన యష్ బిజీ షెడ్యూల్‌లోనూ ఫ్యామిలీకి మాత్రం టైమ్ కేటాయిస్తున్నారు. న‌టి రాధికా పండిట్‌ని యష్ ప్రేమించి పెళ్లి చేసుకున్న విష‌యం తెలిసిందే. వీరికి ఇటీవ‌లే ఓ పాప పుట్టింది. అప్ప‌టి నుంచి ఇద్ద‌రి మ‌ధ్య అనుబంధం మ‌రింత ఎక్కువైంది.
కెరీర్ ఒక్క‌సారిగా మ‌లుపు తిరిగినా ఫ్యామిలీకి కేటాయించే టైమ్‌ని మాత్రం ఖ‌చ్చితంగా కేటాయిస్తున్నారు యష్. ఇటీవ‌ల ఓ పార్టీలో అంద‌రి ముందు ఓ హిందీ పాట‌కు వైఫ్ రాధిక పండిట్‌తో యష్ స్టెప్పులేసిన ఓ వీడియో సోష‌ల్ మీడియాలో వైర‌ల్‌గా మారింది. దీన్ని మ‌ర్చిపోక ముందే యష్ మ‌రో స‌ర్‌ప్రైజ్ ఇచ్చారు. త‌న భార్య కోసం ఆయ‌న ఫొటోగ్రాఫ‌ర్‌గా మారిపోయారు.
యష్ తీసిన ఓ ఫొటోని సోష‌ల్ మీడియా ఇన్‌స్టాలో యష్ వైఫ్ షేర్ చేసింది. `మై వ‌న్ అండ్ ఓన్లీ పెర్స‌న‌ల్ ఫొటోగ్రాఫ‌ర్ మై హ‌బ్బీ` అంటూ రాధికా పండిట్ పెట్టిన పోస్ట్ వైర‌ల్‌గా మారింది. దీనిపై యష్ ఫ్యాన్స్ వ‌రుస కామెంట్‌లు పెడుతున్నారు. నైస్ పిక్ మామ్ అని, మీరు చాలా క్లాస్‌గా వున్నార‌ని.. ఇలా త‌మ అభిమానాన్ని చాటుకుంటున్నారు. యష్ న‌టిస్తున్న తాజా సెన్సేష‌న‌ల్ మూవీ `కేజీఎఫ్ చాప్ట‌ర్ 2` ప్రస్తుతం చిత్రీక‌ర‌ణ ద‌శ‌లో వుంది. జూలై లేదా ఆగ‌స్టులో రిలీజ్ చేయాల‌ని చిత్ర బృందం ప్లాన్ చేస్తోంది.
View this post on Instagram
Credit: Instagram