గీత గోవిందం చిత్రంతో సంచలన విజయాన్ని అందుకున్న విజయ్ దేవరకొండ తన తదుపరి చిత్రాన్ని డిసెంబర్ లో విడుదల చేయడానికి సన్నాహాలు చేస్తున్నాడు . తెలుగు , తమిళ బాషలలో రూపొందిన చిత్రం ” నోటా ” . రాజకీయ నేపథ్యంలో సాగే ఈ చిత్రంతో విజయ్ తమిళనాట అడుగుపెడుతున్నాడు . షూటింగ్ పార్ట్ మొత్తం పూర్తిచేసుకున్న ఈ చిత్రానికి ఇటీవలే తమిళ డబ్బింగ్ కూడా పూర్తిచేసాడు విజయ్ దేవరకొండ . ఈ హీరోకు మొదటి తమిళ సినిమా అయినప్పటికీ తమిళ్ లో తానే డబ్బింగ్ చెప్పుకొని ఆ చిత్ర యూనిట్ ని ఆశ్చర్యంలో ముంచెత్తాడు .
ఆనంద్ శంకర్ దర్శకత్వంలో తెరకెక్కుతున్న ఈ చిత్రాన్ని హీరో సూర్య బంధువు జ్ఞానవేల్ రాజా నిర్మిస్తున్నారు కాగా ఈ సినిమాలో పంజాబీ భామ మెహరీన్ కౌర్ హీరోయిన్ గా నటించింది . రాజకీయ రంగానికి సవాల్ విసిరే చిత్రంగా నోటా రూపొందుతోందట ! కాగా ఈ సినిమాని క్యాష్ చేసుకోవాలని భావిస్తున్నారు అక్కడి నిర్మాతలు . విజయ్ దేవరకొండ కు అర్జున్ రెడ్డి , గీత గోవిందం చిత్రాల తర్వాత అనూహ్యమైన క్రేజ్ వచ్చింది దాంతో నోటా చిత్రానికి ఎక్కడలేని క్రేజ్ వచ్చింది , ఇక ఈ చిత్రాన్ని క్రిస్మస్ కానుకగా డిసెంబర్ లో విడుదల చేయడానికి సన్నాహాలు చేస్తున్నారు .
English Title: vijay deverakonda nota will be on christmas