తన సినిమా విడుదలకు సిద్దమైన నేపథ్యంలో విజయం సాధిస్తుందని సంతోషంగా ఉన్న సమయంలో గీత గోవిందం లోని సన్నివేశాలు కొన్ని లీక్ అయ్యాయని తెలిసి దాదాపుగా ఏడ్చేశాడట హీరో విజయ్ దేవరకొండ . నేను చాలా హర్ట్ అయ్యాను ,నిరాశగా ఉన్నాను ….. కోపం వస్తోంది …….. ఏడ్పు కూడా వస్తోంది అంటూ ట్వీట్ చేసాడు విజయ్ దేవరకొండ . ఇదంతా గీత గోవిందం చిత్రానికి సంబంధించి లీక్ కావడమే !
ఆ చిత్ర టెక్నికల్ బృందం లోని వ్యక్తి గీత గోవిందం చిత్రం లోని కొన్ని సన్నివేశాలను దొంగిలించి వాటిని తన మిత్రులకు పంపించడంతో గుంటూరు లోని 17 మంది కి ఈ ఫుటేజీ చేరింది అది ఫ్రెండ్ సర్కిల్ లో వైరల్ అవుతున్న విషయం గీత గోవిందం చిత్ర బృందానికి తెలియడంతో పోలీసులకు ఫిర్యాదు చేసారు . కేసు నమోదు చేసుకున్న పోలీసులు నిందితులను అదుపులోకి తీసుకొని విచారణ చేస్తున్నారు . ఇక రిలీజ్ కి సిద్దమయిన నేపథ్యంలో లీక్ కావడంతో ఆ చిత్ర బృందం షాక్ కి గురయ్యింది ఇక విజయ్ దేవరకొండ పరిస్థితి అయితే మరీ దారుణంగా ఉంది . కోపంతో ఊగిపోతూ ఏడ్చేశాడట . ఆగస్టు 15న విడుదల కానున్న గీత గోవిందం చిత్రం పై విజయ్ దేవరకొండ ఆశలు పెట్టుకున్నాడు . మరి గీత ఏం చేస్తుందో ?
English Title: vijay deverakonda feel let down, disappointed