స్టైలిష్ యాక్షన్ చిత్రాలకు పెట్టింది పేరైన దర్శకుడు సురేందర్ రెడ్డి ఇప్పుడు తనదైన స్టైల్ లో ఒక చిత్రాన్ని చేస్తున్నాడు. సైరా నరసింహా రెడ్డి తర్వాత కొంత బ్రేక్ తీసుకున్న ఈ దర్శకుడు ఇప్పుడు ఏజెంట్ అనే చిత్రాన్ని డైరెక్ట్ చేస్తున్నాడు. అఖిల్ అక్కినేని ఈ స్లీక్ యాక్షన్ థ్రిల్లర్ లో హీరోగా చేస్తున్నాడు. ఈ చిత్రం కోసం పూర్తిగా ఇమేజ్ మేకోవర్ కు వెళ్ళిపోయాడు అఖిల్. బాడీ పెంచి హెయిర్ స్టైల్ ను కూడా మార్చుకున్నాడు. యాక్షన్ సన్నివేశాలు ప్రధానంగా ఈ చిత్రంలో హైలైట్ గా ఉంటాయని వినికిడి.
ఇప్పటికే ఏజెంట్ చిత్ర ఫస్ట్ షెడ్యూల్ పూర్తయింది. కొన్ని కీలక సన్నివేశాలను ఈ షెడ్యూల్ లో చిత్రీకరించారు. ఇక ఇప్పుడు దర్శకుడు హంగేరి రాజధాని అయిన బుడాపెస్ట్ లో ఉన్నట్లు తెలుస్తోంది. ఏజెంట్ షూటింగ్ కోసం లొకేషన్స్ ను వెతుకుతున్నాడు. పలు హాలీవుడ్ చిత్రాలు ఈ లొకేషన్ లో షూటింగ్ చేసుకున్నాయి. త్వరలోనే ఈ చిత్ర షూటింగ్ అక్కడ మొదలవుతుంది.
సాక్షి వైద్య హీరోయిన్ గా పరిచయమవుతున్న ఈ చిత్రానికి హిప్ హాప్ తమిళ సంగీతం అందించనున్నాడు. అనిల్ సుంకర నిర్మాత.