టాలీవుడ్ సూపర్ స్టార్ మహేష్ బాబు తో టాలీవుడ్ జక్కన్న సినిమా అని ఎప్పటినుండో అంటున్నారు కానీ ఇప్పటివరకు అయితే కార్యరూపం దాల్చలేదు కానీ తాజాగా అందుతున్న సమాచారం ప్రకారం 2020 లో మహేష్ బాబు – రాజమౌళి ల సినిమా ఉండనుందట . పైగా ఆ సినిమాతో మహేష్ బాబు ని బాలీవుడ్ కి పరిచయం చేయడానికి ప్లాన్ చేస్తున్నాడట జక్కన్న . మహేష్ బాబు ఇప్పటివరకు టాలీవుడ్ లో మాత్రమే నటిస్తున్నాడు . స్పైడర్ తో కోలీవుడ్ లో పరిచయం అయ్యాడు . కాకపోతే బాలీవుడ్ లో మాత్రం జక్కన్న ఫిలిం తోనే పరిచయం కానున్నాడట .
మహేష్ నటించిన పలు చిత్రాలు హిందీలో డబ్ అవుతున్నాయి కానీ నేరుగా మాత్రం చేయలేదు . ప్రస్తుతం రాజమౌళి ఎన్టీఆర్ – చరణ్ లతో భారీ మల్టీస్టారర్ చిత్రం చేస్తున్నాడు . ఆ సినిమా 2019 ఎండింగ్ వరకు జరుగుతుంది ఇక రిలీజ్ మాత్రం 2020 లోనే అందుకే ఆ సినిమా విడుదల అయ్యాక మహేష్ బాబుతో త్రిభాషా చిత్రం చేయడం ఖాయమని అంటున్నారు . రాజమౌళి కి అంతర్జాతీయ స్థాయిలో మార్కెట్ ఉంది కాబట్టి దానికి మహేష్ ఇమేజ్ యాడ్ అయితే ఇక చెప్పేదేముంది .
English Title: SS Rajamouli next film with Mahesh babu