అగ్ర దర్శకుడు శంకర్ కొంత కాలంగా ఫామ్ కోల్పోయాడు అనే చెప్పాలి. అసలు ప్లాప్ అన్నదే ఎరుగని శంకర్ తన సత్తాకు తగ్గ చిత్రాన్ని మాత్రం ఈ మధ్య అందించలేకపోతున్నాడు. భారీ అంచనాల మధ్య తెరకెక్కుతోన్న ఇండియన్ 2 లీగల్ చిక్కుల్లో ఇరుక్కుపోయి ఆగిపోయింది. శంకర్ ఇప్పుడు తన నెక్స్ట్ చిత్రంపై ఫోకస్ పెట్టాడు.
మెగా పవర్ స్టార్ రామ్ చరణ్ తో శంకర్ పనిచేయనున్న సంగతి తెల్సిందే. టాప్ నిర్మాత దిల్ రాజు ఈ చిత్రాన్ని నిర్మించనున్నాడు. ఈ సినిమా ప్రీ ప్రొడక్షన్ పనులు ప్రస్తుతం శరవేగంగా జరుగుతున్నాయి. ఇందుకోసమే శంకర్ హైదరాబాద్ చేరుకున్నాడట. నిర్మాతతో షూటింగ్ షెడ్యూల్స్, లొకేషన్స్, కాస్టింగ్ తదితర అంశాల మీద విరివిగా చర్చలు జరుపుతున్నాడట.
రికార్డ్ టైమ్ లో ఈ చిత్రాన్ని పూర్తి చేయాలని అనుకుంటున్నాడు శంకర్. థమన్ ఈ చిత్రానికి సంగీతం అందిస్తోన్న విషయం తెల్సిందే. సాయి మాధవ్ బుర్రా తెలుగు వెర్షన్ కు డైలాగ్స్ రాయనున్నాడు.