యంగ్ మెగా హీరో సాయి ధరమ్ తేజ్ ప్రస్తుతం రిపబ్లిక్ అనే చిత్రంలో నటిస్తోన్న విషయం తెల్సిందే. ఈ సినిమా షూటింగ్ శరవేగంగా సాగుతోంది. దేవా కట్టా ఈ చిత్రానికి దర్శకుడు. ఇప్పటికే ఈ చిత్రం జూన్ 4న విడుదల కాబోతోందని అధికారికంగా వెల్లడైంది కూడా. షూటింగ్ కూడా చివరి దశకు చేరుకున్నట్లు తెలుస్తోంది. ఈ నెలాఖరుకు షూటింగ్ ముగిసే అవకాశాలు ఉన్నాయి.
ఈ నేపథ్యంలో సాయి ధరమ్ తేజ్ తర్వాతి చిత్రానికి సంబంధించిన పనులు సాగుతున్నాయి. ఇప్పటికే తేజ్ నెక్స్ట్ మూవీని కార్తీక్ అనే కొత్త దర్శకుడు తెరకెక్కిస్తాడు అని అనౌన్స్ అయింది. అలాగే ఈ చిత్రాన్ని సుకుమార్ సమర్పించనున్నాడు. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు సాగుతున్నాయి.
ఈ సినిమాలో పలు పాత్రల కోసం కాస్టింగ్ కాల్ ను కూడా అనౌన్స్ చేసారు. మార్చ్ లేదా ఏప్రిల్ మొదటి వారంలో ఈ సినిమా షూటింగ్ కు వెళ్లనుంది. తేజ్ ఇప్పటికే హ్యాట్రిక్ హిట్లు సాధించి మంచి ఊపు మీదున్నాడు. ఈ నేపథ్యంలో మరింత ఉత్సాహంగా నెక్స్ట్ సినిమాలను పూర్తి చేస్తున్నాడు.