కిషోర్ తిరుమ‌ల, ఎన‌ర్జిటిక్ హీరో రామ్ కాంబినేష‌న్‌లో వ‌స్తున్న తాజా చిత్రం `రెడ్‌`. `నేను శైల‌జ, ఉన్న‌ది ఒక‌టే జింద‌గీ వంటి హిట్ చిత్రాల త‌రువాత వీరిద్ద‌రి క‌ల‌యిక‌లో వ‌స్తున్న మూడ‌వ చిత్రం కావ‌డంతో ఈ చిత్రంపై అంచ‌నాలు నెల‌కొన్నాయి. పైగా యాక్ష‌న్ థ్రిల్ల‌ర్ కావ‌డం, రామ్ ఈ త‌ర‌హా జోన‌ర్లో న‌టిస్తున్న తొలి చిత్రం కావ‌డంతో ఈ మూవీపై ప్రేక్ష‌కుల్లో మ‌రింత ఆస‌క్తి నెల‌కొంది.
మాళ‌విక‌శ‌ర్మ, నివేదా పేతురాజ్, అమృతా అయ్య‌ర్ ఇందులో క‌థానాయికలుగా న‌టించారు. `ఇస్మార్ట్ శంక‌ర్` వంటి మాస్ మ‌సాలా ఎంట‌ర్‌టైన‌ర్ త‌రువాత క్లాస్‌ని మాస్‌ని ఆక‌ట్టుకునే స్టోరీతో ఈ మూవీని తెర‌కెక్కించారు. సంక్రాంతి కానుక‌గా జ‌న‌వ‌రి 14న రిలీజ్ చేస్తున్నారు. ఈ చిత్రం కోసం హెబ్బా ప‌టేష్‌, రామ్ పాల్గొన‌గా ఓ మాస్ మ‌సాలా సాంగ్‌ని చిత్రీక‌రించారు. బుధ‌వారం ఈ పాటకు సంబంధించిన లిరిక‌ల్ వీడియోని చిత్ర బృందం సోష‌ల్ మీడియా ద్వారా విడుద‌ల చేసింది.
డించ‌క్ డించ‌క్ అంటూ సాగే ఈ మాస్ బీట్ సాంగ్‌ని కాస‌ర్ల శ్యామ్ రాశారు. సాకేత్‌, కీర్త‌నా శ‌ర్మ ఆల‌పించిన ఈ పాటకు .జానీ మాస్ట‌ర్ డ్యాన్స్ కంపోజ్ చేశారు. ఇప్ప‌టికే ఈ లిరిక‌ల్ వీడియో యూట్యూబ్‌లో సంద‌డి చేస్తోంది. ఈ పాట‌లో రామ్ ఎన‌ర్జీతో పాటు మాస్ స్టెప్పుల‌తో అర‌ద‌గొట్టేశారు. థియేట‌ర్ల‌లో ఈ పాటుకు విజిల్స్ ప‌డ‌టం గ్యారెంటీ . సినిమాలో వ‌చ్చే ఫ‌స్ట్ సాంగ్ ఇది అని, ప్రేక్ష‌కుల అంచనాల‌కు ఏమాత్రం త‌గ్గ‌కుండా ఉంటుంద‌ని, రామోజీ ఫిల్మ్ సిటీలో ప్ర‌త్యేకంగా వేసిన సెట్‌లో 6 రోజుల పాటు ఈ పాట‌ని చిత్రీక‌రించామ‌ని నిర్మాత స్ర‌వంతి ర‌వికిషోర్ అన్నారు.
Annnddd here it is!! #DinchakSong ?
Happy New Year In Advance!?https://t.co/37mf2x9jra
Love..#RAPO #RedTheFilm #REDonJan14th pic.twitter.com/r7qzbdn8RH
— RAm POthineni (@ramsayz) December 30, 2020
