పవర్స్టార్ పవన్కల్యాణ్ రాకెట్ స్పీడుతో సినిమాలు చేయాలని డిసైడ్ చేసుకున్నారట. అందులో బాగంగానే రెండేళ్ల విరామం తరువాత పవన్ వరుసగా సినిమాల్ని లైనప్ చేస్తున్నారు. `పింక్` రీమేక్తో తన సెకండ్ ఇన్నింగ్స్ని మొదలు పెట్టిన పవన్ ఆ వెంటనే మరో చిత్రాన్నిసైలెంట్గా స్టార్ట్ చేసిన విషయం తెలిసిందే. `పింక్` రీమేక్ ఆధారంగా పవన్ చేస్తున్న`వకీల్ సాబ్` షూటింగ్ ఇప్పటికే దాదాపుగా పూర్తయిపోయింది.
కొంత భాగం చిత్రీకరించాల్సి వుంది. అది పూర్తయితే సినిమా ఎంటైర్ షూటింగ్ ఫినిష్ అయినట్టే ఇక పోస్ట్ ప్రడక్షన్ వర్కే బ్యాలెన్స్. ఇదిలా వుంటే ఈ సినిమాకు సమాంతరంగా క్రిష్ చిత్రాన్ని కూడా పూర్తి చేసే పనిలో పడ్డారు. శ్రీరామ్ వేణు తరహాలోనే క్రిష్ కూడా స్పీడ్గా సినిమాని పూర్తి చేస్తున్నాడు. కరోనా వైరస్ కారణంగా షూటింగ్ వాయిదా వేసినా రెండు వారాల తరువాత మళ్లీ స్పీడప్ చేయబోతున్నారు. ఈ సినిమా తరువాత హరీష్ శంకర్ చిత్రాన్ని ప్రారంభించబోతున్నారు.
ఆ వెంటనే పూరి జగన్నాథ్ చిత్రాన్ని కూడా ప్రారంభిస్తారని తెలిసింది. ఈ సినిమా పూరి చాలా కాలంగా హోల్డ్లో పెట్టుకున్న `జన గన మన` అని తెలిసింది. పూరితో పవన్ సినిమా అంగీకరించడానికి కూడా ప్రధాన కారణం కూడా లేకపోలేదని, పూరి స్పీడుగా సినిమాని పూర్తి చేస్తాడు కాబట్టే అతనికి సినిమా ఇచ్చినట్టు తెబుతున్నారు. దేశ భక్తి ప్రధానంగా సాగే ఈ చిత్రాన్ని జె. పుల్లారావు, భగవాన్ నిర్మించనున్నారట. ఇప్పటికే పూరి జగన్నాథ్కు అడ్వాన్స్ కూడా ఇచ్చారని తెలిసింది.