పెళ్లి, పెళ్లి పందిరి, నువ్వునాకు నచ్చావ్ వంటి చిత్రాల్లో విభిన్నమైన పాత్రల్లో నటించి ఆకట్టుకున్న పృథ్వీరాజ్ మళ్లీ కొంత విరామం తరువాత సరికొత్త పాత్రలో పవర్ఫుల్ పోలీస్ ఆఫీసర్గా నటిస్తున్న చిత్రం `ఈ కథలో పాత్రలు కల్పితం`. పవన్తేజ్ కొణిదెల హీరోగా పరిచయం అవుతున్నారు. మాధవి సమర్పణలో ఎంవిటి ఎంటర్టైన్మెంట్స్ బ్యానర్పై అభిరామ్ ఎం. దర్శకత్వంలో రాజేష్ నాయుడు ఈ చిత్రాన్ని నిర్మిస్తున్నారు.
మేఘన, లక్కీ హీరోయిన్లుగా నటిస్తున్నారు. థ్రిల్లింగ్ ఎంటర్టైనర్గా రూపొందుతున్న ఈ చిత్ర ఫస్ట్ లుక్ పోస్టర్ని ఇటీవలే విడుదల చేశారు. తాజాగా పృథ్వీరాజ్కు సంబంధించిన లుక్ని చిత్ర బృందం రిలీజ్ చేసింది. కొత్త తరహా కథాంశంతో సస్పెన్స్ థ్రిల్లర్గా ఈ సినిమాని రూపొందిస్తున్నారు. ప్రస్తుతం చిత్రీకరణ హైదరాబాద్లో జరుగుతోంది.
ఈ సందర్భంగా చిత్ర నిర్మాత పలు ఆసక్తికర విషయాల్ని వెల్లడించారు. వరుణ్తేజ్ కొణిదెలకు ఇదే తొలి చిత్రం. అయినా అద్భుతంగా నటించాడు. ఇందులో పృథ్విరాజ్ కీలక పాత్రలో కనిపించబోతున్నారు. ఆయన పాత్ర చిత్రణ సినిమాకు హైలైట్గా నిలుస్తుంది. టెక్నికల్గానూ చిత్రాన్నిఉన్నతంగా తీర్చిదిద్దుతున్నాం. `జెస్సీ`కి వర్క్ చేసిన సునీల్కుమార్ ఫొటోగ్రఫీని అందిస్తున్నారు. ఆర్ ఎక్స్ 100, కల్కీ చిత్రాలకు మాటలు రాసిన తాజుద్దీన్ సయ్యద్ ఈ చిత్రానికి వర్క్ చేస్తున్నారు. ప్రస్తుతం సెకండ్ షెడ్యూల్ జరుగుతోంది. త్వరలోనే సినిమాని రిలీజ్ చేయాలని ప్లాన్ చేస్తున్నాం `అని తెలిపారు.