![దిల్ రాజు కూడా ఓటీటీకి జై కొడుతున్నారా? దిల్ రాజు కూడా ఓటీటీకి జై కొడుతున్నారా?](https://telugu.tollywood.net/wp-content/uploads/2020/07/Producer-Dil-Raju-entaring-in-to-Ott-plot-form.jpg)
కరోనా వైరస్ ప్రబలడంతో లాక్డౌన్ విధించిన విషయం తెలిసిందే. అప్పటి నుంచి సినిమా థియేటర్లు మూతపడ్డాయి. సినిమా రంగం విపత్కర పరిస్థితుల్ని ఎదుర్కొంటోంది. ఈ సమయంలో సినీ రంగానికి ప్రధాన మార్గంగా నిలిచింది ఓటీటీ ప్లాట్ ఫామ్. కరోనా వైరస్ కారణంగా ఇంటి పట్టునే వుంటున్న జనం వినోదం కోసం ఓటీటీలని ఆశ్రయిస్తున్నారు.
ఈ నేపథ్యంలో ఓటీటీ ప్లాట్ ఫామ్లకు భారీ డిమాండ్ ఏర్పడింది. దీంతో ప్రముఖ నిర్మాణ సంస్థలు ఓటీటీల కోసం వెబ్ సిరీస్లు నిర్మించడానికి ముందు కొస్తున్నాయి. రీసెంట్గా మెగాడాటర్ సుస్మిత, ఆమె భర్త వెబ్ సిరీస్ నిర్మాణంలోకి ఎంటరవుతున్న విషయం తెలిసిందే. తాజాగా ఈ రంగంలోకి దిల్ రాజు కూడా ఎంటరవుతున్నట్టు తెలుస్తోంది.
అయితే ప్రత్యక్ష్యంగా కాకుండా పరోక్షంగా దిల్ రాజు ఈ రంగంలోకి ఎంట్రీ ఇస్తున్నట్టు తెలిసింది. `హిట్` డైరెక్టర్ శైలేష్ కొలను కథతో ఎడిటర్ గ్యారీని దర్శకుడిగా పరిచయం చేస్తూ హీరో విశ్వక్సేన్ నిర్మాణంలో ఓ వెబ్ సిరీస్ రూపొందుతున్నట్టు వార్తలు వినిపిస్తున్నాయి. ఈ ప్రాజెక్ట్ని ఓటీటీలకు దిల్ రాజు సేల్ చేయబోతున్నారట.