గ‌త కొంత కాలంగా యంగ్ రెబ‌ల్‌స్టార్ ప్రభాస్ పెళ్లిపై వ‌రుస క‌థ‌నాలు వినిపిస్తున్న విష‌యం తెలిసిందే. చివ‌రికి బాలీవుడ్ బిగ్ ప్రొడ్యూస‌ర్ క‌మ్ డైరెక్ట‌ర్ క‌ర‌ణ్‌జోహార్ కూడా త‌ను హోస్ట్ గా వ్య‌వ‌హ‌రిస్తున్న `కాఫీ విత్ క‌ర‌ణ్‌`లోనూ ప్ర‌భాస్‌ని ప్రేమ పెళ్లిపై ప్ర‌శించ‌డం చ‌ర్చ‌నీయాంశంగా మారింది. అక్క‌డితో ఆగ‌క ప్రభాస్ పెళ్లిపై మ‌ళ్ఈ వ‌రుస క‌థ‌నాలు ఊపందుకున్నాయి.
భీమ‌వ‌రం అమ్మాయితో ప్రభాస్ వివాహం జ‌ర‌గ‌బోతోంద‌ని కొన్ని రోజులు వార్త‌లు షికారు చేశాయి. ఆ త‌రువాత అనుష్క‌తో ప్రేమ‌లో వున్నార‌ని, వీరిద్ద‌రూ క‌లిసి పెళ్లిచేసుకుంటార‌ని మ‌రి కొన్ని రోజులు ప్ర‌చారం జ‌రిగింది. తాజాగా ప్ర‌భాస్‌తో పెళ్లిపై మెగాడాట‌ర్ కొణిదెల నిహీరిక స్పందించ‌డంతో మ‌ళ్లీ ప్రభాస్ వార్త‌ల్లో నిలిచారు.
తాజాగా ఈ వార్త‌ల‌న్నీ విన్నా ప్ర‌భాస్‌కి స్పందించాల‌ని అనిపించిందేమో తాజాగా స్పందించారు. 1నేను వివాహం విష‌యంలో విముఖంగా లేను. ఖచ్చితంగా చేసుకుంటాను. అయితే అది ఎప్పుడు జ‌రుగుతుంది అన్న‌ద మాత్రం ఖచ్చితంగా చెప్ప‌లేను` అన్నారు. నా పెళ్లి విష‌యంలో మా ఫ్యామిలీ కంటే మీడియానే ఎక్కువ‌గా ఆస‌క్తిని క‌న‌బ‌రుస్తోంది` అని సెటైర్ వేయ‌డం కొస‌మెరుపు. ప్రభాస్ ప్ర‌స్తుతం రాధాకృష్ణ‌కుమార్ ద‌ర్శ‌కత్వంలో ఓ భారీ చిత్రం చేస్తున్నారు.