స్టార్ హీరోలు మహేష్, ప్రభాస్, ఎనర్జిటిక్ హీరో రామ్ సంచలనం సృష్టించారు. ఈ ముగ్గురు హీరోలు నటించిన చిత్రాలు ఇప్పటికే విడుదలై బాక్సాఫీస్ వద్ద రికార్డు కలెక్షన్లని సాధించాయి. అయితే ఈ మూవీస్ విడుదలై ఏళ్లు గడుస్తున్నా ప్రేక్షకులు మాత్రం బ్రహ్మరథం పడుతున్నారు. గత కొన్నేళ్ల క్రితం ప్రభాస్ నటించిన ఓ చిత్రం యూట్యూబ్లో సంచలనం సృష్టించగ, రామ్ నటించిన సినిమా కూడా దాదాపు అదే ఫీట్ని రిపీట్ చేసింది.
తాజాగా ఈ జాబితాలోకి మహేష్ నటించిన చిత్రం కూడా వచ్చి చేరింది. వివరాల్లోకి వెళితే యంగ్ రెబల్ స్టార్ ప్రభాస్ నటించిన `రెబల్` చిత్రం కొన్నేళ్ల క్రితం విడుదలైనా ఈ చిత్ర ఫైట్స్కి, పాటలకు ప్రేక్షకుల్లో మంచి క్రేజ్ ఏర్పడింది. ఈ సినిమా యూట్యూబ్లో 100 మిలియన్ వ్యూస్ దాటడం విశేషం. ఇదే తరహాలో రామ్ నటించిన `ఇస్మార్ట్ శంకర్ ` సంచలనం సృష్టించింది.
ఇక 2015లో విడుదలైన మహేష్ చిత్రం `శ్రీమంతుడు`. మహేష్ ఫ్లాపుల్లో వున్న సమయంలో తిరుగులేని విజయాన్ని అందించి బ్లాక్ బస్టర్గా నిలిచింది. పలు రికార్డులతో పాటు అవార్డుల్ని కూడా తెచ్చిపెట్టింది. తాజాగా ఈ చిత్రం యూట్యూబ్లో 100 మిలియన్ వ్యూస్ దాటి సరికొత్త రికకార్డుని సొంతం చేసుకుంది. అయితే రెబల్, ఇస్మార్ట్ శంకర్ చిత్రాలకు సంబంధించిన పాటలు, ఫైట్స్కి సంబంధించిన వీడియోస్ 100 మిలియన్ వ్యూస్ దాటితే `శ్రీమంతుడు` పూర్తి స్థాయి సినిమా వీక్షణలో 100 మిలియన్ వ్యూస్ దాటడం సరికొత్త రికార్డుగా చెబుతున్నారు.