Saturday, October 1, 2022
Homeటాప్ స్టోరీస్అల వైకుంఠపురములో.. బుట్ట బొమ్మ.. మరో బాపు బొమ్మ అవుతుందా?

అల వైకుంఠపురములో.. బుట్ట బొమ్మ.. మరో బాపు బొమ్మ అవుతుందా?

అల వైకుంఠపురములో.. బుట్ట బొమ్మ.. మరో బాపు బొమ్మ అవుతుందా?
అల వైకుంఠపురములో.. బుట్ట బొమ్మ.. మరో బాపు బొమ్మ అవుతుందా?

స్టైలిష్ స్టార్ అల్లు అర్జున్ నటిస్తోన్న తాజా చిత్రం అల వైకుంఠపురములో మొదటినుండి అంచనాలు నెలకొల్పడంలో కొత్త రికార్డులను సృష్టిస్తోంది. మొదటి పాటతోనే ఈ చిత్రం దుమ్ము రేపింది. సామజవరగమన అనే పాట అప్పటిదాకా తెలుగు సాంగ్స్ పరంగా ఉన్న రికార్డులను వ్యూస్ పరంగా, లైక్స్ పరంగా కూడా తిరగరాసింది. అత్యంత ఫాస్ట్ గా 100 మిలియన్ వ్యూస్ కు చేరుకున్న ఈ పాట ఇంకా క్రేజ్ తగ్గకుండా వ్యూస్ విషయంలో కుమ్మేస్తోంది. ఇక రెండో పాట రాములో రాముల కూడా అదే రేంజ్ హిట్ అని చెప్పాలి. ఈ పాట కూడా 100 మిలియన్ వ్యూస్ వైపు దూసుకుపోతోంది. మరో వారం రోజుల్లో ఈ ఫీట్ అందుకోవచ్చు. మూడో పాట ఓ మై గాడ్ డాడీ కూడా ఆ రేంజ్ కాకపోయినా సక్సెస్ అయితే అయింది.

- Advertisement -

ఈ కోవలోనే ఈ చిత్రంలోనుండి నాలుగో పాటను రేపు విడుదల చేయబోతున్నారు. బుట్ట బొమ్మ అనే పాట 18న విడుదల అవుతుందని తెలిపారు మేకర్స్. బుట్ట బొమ్మ అనే పదం వినగానే అందరికీ అత్తారింటికి దారేది లోని బాపు బొమ్మ పాట గుర్తుకురావడం సహజం. ఈ చిత్రంలో బాపు బొమ్మ పాట సూపర్ డూపర్ హిట్ అయింది. ప్రణీతకు బాపు బొమ్మ అనే టైటిల్ ఫిక్స్ అయిపోయింది. ఆమెను ఇప్పటికీ వర్ణించాల్సిన సందర్భాల్లో బాపు బొమ్మ అనే పిలుస్తారు.

ఇప్పుడు అల వైకుంఠపురములో విషయానికి వస్తే బుట్ట బొమ్మ పాట కూడా ఆ రేంజ్ హిట్ అవుతుందన్న నమ్మకాలూ అయితే ఉన్నాయి. అయితే పూజ హెగ్డే కూడాకు బుట్ట బొమ్మ అనే పదం అలాగే అటాచ్ అవుతుందా అన్నది చూడాలి. ఇక పూజ హెగ్డే ఈ పాట విడుదల సందర్భంగా విడుదల చేసిన పోస్టర్ లో నిజంగానే బుట్టబొమ్మలా ఉంది. మరి పాట విడుదలైన తర్వాత ఎటువంటి రెస్పాన్స్ దక్కించుకుంటుందో చూడాలి.

పాట విషయంలోనే కాకుండా టీజర్ విషయంలో.. అందులో వాడిన కొన్ని షాట్స్ పరంగా చూసినా కూడా అత్తారింటికి దారేది సినిమా గుర్తొస్తోంది. మరి సినిమా కూడా ఆ రేంజ్ హిట్ ను అందుకుంటుందా? త్రివిక్రమ్ శ్రీనివాస్ దర్శకత్వం వహిస్తోన్న ఈ సినిమాకు థమన్ సంగీత దర్శకుడు. ఎస్ రాధాకృష్ణ, అల్లు అరవింద్ సంయుక్తంగా నిర్మిస్తున్నారు. జనవరి 12న ఈ చిత్రం విడుదల కాబోతోంది.

Advertisement
Advertisement

టాప్ స్టోరీస్

View All

గాసిప్స్

View All

Latest Posts