పవర్ స్టార్ పవన్ కళ్యాణ్ నటిస్తోన్న రెండు చిత్రాలు ప్రస్తుతం సెట్స్ మీద ఉన్నాయి. అందులో మొదటిది క్రిష్ దర్శకత్వంలో చేస్తోన్న పీరియాడిక్ జానపద చిత్రం. ఈ సినిమాలో పవన్ కళ్యాణ్ వజ్రపు దొంగల ముఠాకు హెడ్ గా కనిపిస్తాడని తెలుస్తోంది. మొఘల్ సామ్రాజ్యపు కాలంలో ఈ సినిమా సెటప్ ఉంటుంది.
తాజా సమాచారం ప్రకారం ఈ చిత్ర టైటిల్ ను కూడా కన్ఫర్మ్ చేసేసారట. గత కొంత కాలం నుండి ఈ సినిమా టైటిల్ విషయంలో బోలెడన్ని రూమర్లు షికార్లు చేస్తున్నాయి. గతంలో విరూపాక్ష టైటిల్ కన్ఫర్మ్ అనుకున్నారు. ఈ మధ్య కాలంలో వీరమల్లు, హర హర మహాదేవ్ టైటిల్స్ అంటూ ప్రచారం జరుగుతోంది.
ఈ నేపథ్యంలో తాజాగా వినిపిస్తున్న సమాచారం ప్రకారం పవన్ కళ్యాణ్ ఈ సినిమాకు సూటబుల్ టైటిల్ ను కన్ఫర్మ్ చేసాడట. సినిమా కథకు సరిపోయేలా హరి హర వీరమల్లు టైటిల్ ను లాక్ చేయమని సూచించినట్లు తెలుస్తోంది. టీమ్ కు కూడా ఈ టైటిల్ బాగా నచ్చిందట. టైటిల్ లాక్ అవ్వడంతో ఇక ఫస్ట్ లుక్ పోస్టర్ ను రివీల్ చేయడానికి సిద్ధమవుతున్నారట.